Stali viadomyja novyja proźviščy zatrymanych top-mieniedžaraŭ Mazyrskaha NPZ
Dniami «Fłahštok» paviedamiŭ ab zatrymańniach u administracyi Mazyrskaha naftapierapracoŭčaha zavoda. Ciapier krynica vydańnia dadała novyja proźviščy. Jak śćviardžajecca, byŭ aryštavany pieršy namieśnik hienieralnaha dyrektara pradpryjemstva — hałoŭny inžynier Siarhiej Hramovič.
Zatrymańni adbylisia ŭ kancy krasavika, i da hetaha času Hramoviča niama na pracy, piša vydańnie. Zamiest jaho pryznačany vykonvajučy abaviazki, a sam hałoŭny inžynier, pavodle aficyjnaj infarmacyi, znachodzicca ŭ «časovym adpačynku», kali jon skončycca — u administracyi nie mohuć adkazać.
Taksama stała viadoma, što akramia dyrektara dyrekcyi pa rekanstrukcyi i raźvićciu Alaksandra Huda byŭ zatrymany jaho namieśnik Anton Huhalinski i žonka Huda, jakaja pracavała ŭ toj ža dyrekcyi.
Jašče adzin zatrymany — načalnik jurydyčnaj słužby Ihar Drahiel. Takim čynam, viadomy proźviščy i pasady ŭsich piaci zatrymanych top-mieniedžaraŭ.
Pierad 1 maja hienieralny dyrektar zavoda Vital Paŭłaŭ byŭ vielmi zły i zryvaŭsia na padnačalenych, adznačała krynica «Fłahštoka». Pry hetym rabotniki pradpryjemstva miarkujuć, što pryčynaj zatrymańnia stała karupcyja, a nie «palityka».
Kamientary