U Žłobinie staviać videakamiery na prypynkach, kab łavić vandałaŭ

U Žłobinie ŭźniali prablemu vandalizmu. Na prypynkach, ścienach damoŭ, aharodžach i darožnych znakach rehularna źjaŭlajucca nadpisy i malunki, jakija pakidajuć nieśviadomyja «mastaki». Miascovaje kiraŭnictva nastrojena rašuča z hetym zmahacca, piša rajonka «Novy dzień».

U Žłobinie aktyŭna staviacca novyja art-abjekty, abnaŭlajucca prypynki — ale ŭsio heta časta psujecca «tvorčaściu» chulihanaŭ. Naprykład, pobač ź niekatorymi miascovymi škołami ŭžo jość novyja vypadki vandalizmu.

Niekatorych parušalnikaŭ užo vyličyli z dapamohaj kamier videanazirańnia. Adzin z zatrymanych akazaŭsia darosłym, suprać jaho zaviali kryminalnuju spravu.

Ciapier ułady staviać novyja schavanyja kamiery na prypynkach, kab złavić vandałaŭ. Dvie ŭžo pracujuć, jašče try chutka źjaviacca.

Kamientary da artykuła