Razhledzieli apielacyi palitviaźniaŭ pa spravie «Revalucyjnaha dziejańnia». Terminy niekatorych, u tym liku Marfy Rabkovaj, skaracili na try miesiacy
28 lutaha ŭ Viarchoŭnym Sudzie ŭ zakrytym režymie adbyŭsia razhlad apielacyjnych skarhaŭ viasnoŭcaŭ Marfy Rabkovaj, Andreja Čapiuka, a taksama vaśmi palitviaźniaŭ pa spravie «Revalucyjnaha dziejańnia».
Sudovaja kalehija pad staršynstvam sudździ Alaksieja Rybakova pakinuła biez zadavalnieńnia skarhi šaści fihurantaŭ, a terminy viasnoŭcaŭ Marfy Rabkovaj i Andreja Čapiuka, a taksama aktyvistaŭ anarchisckaha ruchu Akichiry Hajeŭskaha-Chanada i Alaksandra Franckieviča byli skaročanyja na try miesiacy.
6 vieraśnia ŭ Minsku abviaścili prysud dziesiaci palityčnym viaźniam — 94 hady na ŭsich.
Sudździa Minskaha haradskoha suda Siarhiej Chrypač tady prysudziŭ nastupnyja turemnyja terminy dziesiaci palitviaźniam:
— Alaksandr Franckievič — 17 hadoŭ;
— Akichira Hajeŭski-Chanada — 16 hadoŭ;
— Marfa Rabkova — 15 hadoŭ;
— Alaksiej Hałaŭko — 12 hadoŭ;
— Pavieł Špietny, Mikita Draniec, Alaksandr Kaźlanka, Andrej Čapiuk — pa 6 hadoŭ;
— Andrej Marač, Daniła Čul — pa 5 hadoŭ.
Takim čynam hety dziki ahulny termin siońnia skaracili na adzin hod.
Prysud ustupiŭ u siłu, i palitviaźniaŭ chutka etapujuć u kałonii.
Ciapier čytajuć
Biełarusam stała składaniej lehalizavacca ŭ Polščy — tam bolš nie prymajuć vydadzienyja ŭ BSSR dakumienty i patrabujuć apastyli16
Kamientary