Praź dzieviać miesiacaŭ paśla vyzvaleńnia pamior palitviazień Valeryj Bohdan
58-hadovamu mužčynu prysudzili try hady kałonii za publikacyi ŭ sacsietkach. Jon raskazvaŭ, što jamu paśla vyzvaleńnia składana reabilitavacca i što jon jeździć pa balnicach.
Valeryj Bohdan. Fota ź jahonaj staronki ŭ fejsbuku
Valeryju Bohdanu było 58 hadoŭ. Jon naradziŭsia ŭ horadzie Nierčynsk u Zabajkalskim krai Rasii. Adsłužyŭ u vojsku ŭ Navasibirsku, paśla advučyŭsia ŭ Bresckim dziaržaŭnym techničnym univiersitecie.
Žyŭ u Breście i Minsku.
Bohdana zatrymali 18 maja 2021 hoda, a 17 vieraśnia 2021 hoda asudzili na try hady kałonii za publikacyi ŭ sacyjalnych sietkach pa troch artykułach — «paklop na Łukašenku» (č. 2 art. 367 KK), «abraza Łukašenki» (č. 1 art. 368 KK) i «raspalvańnie varožaści» (č. 1 art. 130 KK).
Adno z abvinavačvańniaŭ — repost vyjavy sa słovam «šyzanuty».
Pakarańnie adbyvaŭ u kałonii ŭ Babrujsku.
Valeryj Bohdan vyjšaŭ na svabodu ŭ sakaviku 2024 hoda, całkam adbyŭšy termin. U sacsietkach jon raskazvaŭ, što jamu składana reabilitavacca i što jon «jeździć pa balnicach».
Ludzi, jakija siadzieli razam z Bohdanam, raskazali «Našaj Nivie», što Valeryj pamior u samym pačatku 2025 hoda. U byłoha palitviaźnia adarvaŭsia tromb.
Čytajcie taksama:
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ