Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili
«Našaj Nivie» stała viadoma pra śmierć eks-palitźniavolenaj Hanny Kandracienka. Jaje nie stała 5 lutaha 2025 hoda. Žančyna pamierła ad ankałohii, jakaja była dyjahnastavanaja ŭ jaje jašče ŭ kałonii ŭ Homieli. Hanna nie dažyła niekalki miesiacaŭ da svajho 40-hodździa.
Infarmacyju pra śmierć Kandracienka paćvierdzili ŭ Vajniłaŭskim sielskim vykankamie (Čavuski rajon). Tam ža, na małoj radzimie, Hannu i pachavali.
Pa infarmacyi «Biełpoła», u Hanny zastałasia adzinokaja maci-piensijanierka. Pa słovach viaskoŭcaŭ, paśla śmierci dački jana viadzie «pustelnicki ład žyćcia».
Mienavita za jaje najpierš pieražyvała Hanna, kali jaje aryštavali ŭ mai 2022 hoda adrazu pa troch artykułach Kryminalnaha kodeksa: 369-m (abraza pradstaŭnika ŭłady), 368-m (abraza Łukašenki) i 391-m (abraza sudździ). Žančynu zatrymali za kamientary ŭ telehram-kanałach.
«Jašče ŭ SIZA dziaŭčaty, što išli pa narkotykach, vielmi škadavali jaje. Jana mocna płakała paśla prysudu, spadziavałasia na chimiju, bo maci chvoraja», — raspaviała adna z eks-palitźniavolenych, jakaja znachodziłasia adnačasova z Hannaj u mahiloŭskim SIZA.
12 lipienia 2022 hoda sudździa Natalla Panasienka prysudziła Hańnie Kandracienka try hady kałonii ahulnaha režymu, a taksama štraf u pamiery 100 bazavych vieličyń (kala 3200 rubloŭ). Paśla jaje nakiravali ŭ kałoniju №4 u Homieli. Jak nam raskazali eks-palitźniavolenyja, tam jana trapiła ŭ atrad №16 i trymałasia asobna ad astatnich, «była sama pa sabie».
«Ja jaje zapomniła ŭ siniaj ciełahrejcy, u šapcy ciomna-siniaha koleru. Jana była vielmi chudaja, z doŭhimi nahami, pryhožaja, ź miłym tvaram», — zhadvaje Antanina Kanavałava.
Pieradač i pasyłak, pa słovach eks-palitviaźniaŭ, Hanna nie atrymlivała. «Maci ž u jaje pažyłaja, na piensii, joj ciažka było, tamu my sami dumali, jak joj dapamahčy možna».
Praz pracu ź sinteponam na šviejnaj vytvorčaści ŭ Hanny pačaŭ prahresavać psaryjaz, fizična joj było z kožnym dniom horš.
«U kałonii ŭ Hanny dyjahnastavali rak šyjki matki. Jaje vazili na terapiju ŭ ankadyspanser u Homiel», — raskazała «Našaj Nivie» abaznanaja krynica. Niahladziačy na ciažkuju chvarobu, Kandracienka nie vyzvalili daterminova.
Bolš za toje, z kałonii žančynu paŭtorna vyvozili ŭ SIZA i ŭ čarhovy raz sudzili pavodle artykuła 369 KK (abraza pradstaŭnika ŭłady). Pa infarmacyi prajekta Dissidentby, novaja sprava była źviazanaja ź jašče adnym kamientarom, pakinutym u telehram-kanale «Karniki Biełarusi» na adras inśpiektara DAI Śvietłahorskaha RUUS Andreja Bahrajonka. Sudździa Volha Kraŭčanka prysudziła Hańnie hod pazbaŭleńnia voli i 50 bazavych vieličyń štrafu, ale novy termin byŭ pahłynuty raniejšym, bolš strohim.
Hanna Kandracienka adbyła svoj termin całkam. Jana vyzvaliłasia 20 červienia 2024 hoda. Na svabodzie Hanna prabyła trochi bolš za paŭhoda, zmahajučysia sa svajoj chvarobaj.
Ciapier čytajuć
«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?20
Kamientary