Bieraściejcy ŭ Hdańsku staviać rekordy pa abarocie kantejnieraŭ

Bieraściejcy ŭ Hdańsku dabivajucca pośpiechu ŭ łahistycy: kampanija Avrom Speed, zasnavanaja ŭ 2023 hodzie, stała adnoj z samych chutka rastučych u Polščy siarod biełaruskich biznesaŭ, piša ŭ svaim telehram-kanale žurnalist Vadzim Siachovič.

Užo ŭ pieršy hod abarot skłaŭ amal 6,7 miljona złotych (kala 1,8 miljona dalaraŭ), a ŭ 2024 hodzie vyras u try razy — da 20,3 miljona złotych (kala 5,46 miljona dalaraŭ). Prybytak stabilna trymajecca na ŭzroŭni 700 tysiač złotych (kala 188 tysiač dalaraŭ).

Kampanija zajmajecca marskimi, aŭtamabilnymi i čyhunačnymi hruzapieravozkami, a taksama akazvaje składskija i mytnyja pasłuhi. Maje ŭłasny aŭtapark.

Zasnavalniki — Michaił Karpuk, Alaksandr Škabara i Viačasłaŭ Daniluk, usie — vypuskniki Bresckaha dziaržaŭnaha techničnaha ŭniviersiteta. Karpuk i Škabara raniej pracavali ŭ niamieckaj ekśpiedytarskaj kampanii. U 2024 hodzie jany zarehistravali jašče adnu kampaniju — Avrom Speed Trans.

Kamientary da artykuła