U biełaruskaj armii stvaryli vojski bieśpiłotnych avijacyjnych kompleksaŭ
Pra stvareńnie novaha vidu vojskaŭ paviedamiŭ na naradzie ŭ Alaksandra Łukašenki načalnik Hienštaba Uzbrojenych sił i pieršy namieśnik ministra abarony Pavieł Muraviejka.
Fota ilustracyjnaje
Muraviejka adznačyŭ, što hetyja vojski ŭvajšli ŭ ahulnuju strukturu Uzbrojenych sił jak asobny vid śpiecyjalnych vojskaŭ i stali nieadjemnaj častkaj vajskovaj sistemy krainy.
Muraviejka raskazaŭ, što asnoŭnyja zadačy hetych vojskaŭ — pavietranaja raźviedka, naniesieńnie ahniavoha ŭdaru pa vorahu, a taksama karektavańnie i naviadzieńnie ahniu. Jany taksama padtrymlivajuć inšyja padraździaleńni, pašyrajučy ich mahčymaści pry vykanańni bajavych zadač.
Stvareńnie vojskaŭ bieśpiłotnych avijacyjnych kompleksaŭ u biełaruskaj armii adlustroŭvaje ahulnuju tendencyju pa ŭzmacnieńni stratehičnaj roli bieśpiłotnikaŭ u sučasnych vojskach.
Čytajcie taksama:
U mai kolkaść rasijskich bieśpiłotnikaŭ u biełaruskim niebie znoŭ vyrasła
Na vučeńniach «Zachad-2025» buduć adpracoŭvać udary taktyčnaj jadziernaj zbrojaj i «Arešnikam»
Pucin prapanavaŭ pabudavać u Biełarusi zavod pa vytvorčaści bieśpiłotnikaŭ
Minabarony Biełarusi zakupić bieśpiłotnikaŭ na 3,3 miljona dalaraŭ