Minabarony Biełarusi zakupić bieśpiłotnikaŭ na 3,3 miljona dalaraŭ
Niekatoryja ź ich pryznačany dla pavietranaj raźviedki.
Ministerstva abarony Biełarusi da kanca hoda płanuje nabyć bieśpiłotnyja aparaty na 3,3 miljona dołaraŭ. Na hetuju infarmacyju na sajcie dziaržaŭnych zakupak źviarnuŭ uvahu telehram-kanał «OtVinta | Aviacija Biełarusi».
U bolšaści vypadkaŭ heta bieśpiłotniki kitajskaj vytvorčaści, ale jość i adna pazicyja biez kankretyki, adznačaje resurs:
-
187 FPV-dronaŭ Caddx X10 (viersija AI) abo anałah;
-
190 FPV-dronaŭ Caddx X10 (viersija IR) abo anałah;
-
20 kamplektaŭ z FPV-dronami;
-
81 taktyčny bieśpiłotny avijacyjny kompleks na bazie multykoptara DJI Mavic 3 Thermal u kamplekcie abo anałah;
-
83 taktyčnyja bieśpiłotnyja avijacyjnyja kompleksy na bazie multykoptara Autel EVO MAX 4T u kamplekcie abo anałah.
«Kali z FPV-dronami ŭsio zrazumieła, to DJI Mavic 3 Thermal i Autel EVO MAX 4T pryznačany dla pavietranaj raźviedki. Akramia taho, apošni, dziakujučy ciepłavizijnaj kamiery i łaziernamu dalnamieru, na padstavie technałohii raspaznavańnia štučnaha intelektu zdolny aŭtamatyčna identyfikavać i zachoplivać roznyja typy celaŭ, takija jak krynicy ciapła, ludzi, jakija ruchajucca, abo transpartnyja srodki», — adznačaje resurs.
Akramia kitajskich BŁA, u apošnija niekalki hadoŭ Minabarony Biełarusi aktyŭna nabyvała rasijskija bieśpiłotnyja avijacyjnyja kompleksy «Supercam» roznych madyfikacyj, a taksama biełaruskija BAK «Bierkut-3».
Nahadajem, na hetym tydni Alaksandr Łukašenka padpisaŭ ukaz, jaki spraščaje paradak uvozu ŭ Biełaruś bieśpiłotnych latalnych aparataŭ i avijamadelaŭ «u intaresach siłavych, pravaachoŭnych i inšych arhanizacyj». Akramia taho, u metach uzmacnieńnia kantrolu za abarotam BŁA ŭvodzicca abaviazak dla jurydyčnych asob i indyvidualnych pradprymalnikaŭ uzhadniać prodaž BŁA da jaho ažyćciaŭleńnia.
Ciapier čytajuć
Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać9
Kamientary