U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?

Žychar Homiela naviedaŭ hramadskuju prybiralniu na nabiarežnaj Soža, viadomuju jak «załatuju» z-za vysokaha koštu budaŭnictva, i zastaŭsia niezadavoleny, piša «Fłahštok».

Zapłaciŭšy za naviedvańnie 1 rubiel, hamialčuk ubačyŭ zabrudžanyja švy pamiž plitkami, pakrytyja ćvillu, a taksama niaspraŭnuju ci ŭvohule adsutnuju santechniku.

Adznačajecca, što raniej hetaja prabiralnia ŭžo traplała ŭ pole zroku hramadskaści praz prablemy z padjomnikam dla ludziej ź invalidnaściu i nierehularny režym pracy.

Heta prybiralnia byli pabudavanaja ŭ 2018 hodzie. Ustanovu na 15 kabinak zrabili ŭ rekordna karotkija terminy: pačali ŭ červieni, a skončyli ŭ kastryčniku. Praŭda, kančatkovy košt rabot i materyjałaŭ, jak pisała tady niezaležnaja presa, u vyniku vyjšaŭ daražejšy, čym mierkavałasia pieršapačatkova. Praduhledžvałasia, što na pabudovu padziemnaj prybiralni spatrebicca 750 tysiač dalaraŭ, u realnaści ž vyjšaŭ uvieś miljon.

Kamientary da artykuła