Homielskaja prybiralnia za paŭtara miljona rubloŭ začyniłasia paśla vizitu Łukašenki
Hramadzkaja prybiralnia ŭ homielskim parku, papiaredni košt jakoj nia mienš za paŭtara miljonaŭ rubloŭ, nie pracuje. «Maŭzalej» — tak achryścili miascovyja prybiralniu — pracavaŭ u testavym režymie z 25 kastryčnika, u čas Forumu rehijonaŭ Biełarusi i Ŭkrainy z udziełam kiraŭnikoŭ dźviuch krainaŭ Alaksandra Łukašenki i Piatra Parašenki, piša Radyjo Svaboda.
Ni košt naviedvańnia «maŭzaleju», ni kančatkovy košt budaŭnictva pakul nie nazyvajucca. Homielskaje ŭpraŭleńnie kapitalnaha budaŭnictva abiacaje nazvać košt paśla padlikaŭ i pieradačy prybiralni na balans parku. Pavodle tenderu,prybiralnia aceńvałasia bolš jak u 1,5 młn rubloŭ.
Abjekt pavinien byŭ zdadzieny ŭ śniežni 2018. Ale budaŭniki spravilisia raniej, i 25 kastryčnika prybiralnia pryniała pieršych naviedvalnikaŭ — pryčym biaspłatna.
U administracyi pałacava-parkavaha ansamblu zaznačyli, što prybiralnia nie pracuje, bo pakul nie pryniataja na balans. Tamu nieviadomy i košt jaje naviedvańnia.
Pracy zamaŭlała ŭpraŭleńnie kapitalnaha budaŭnictva. Tam adkazali, što ciapier afarmlajucca nieabchodnyja papiery, u pryvatnaści, akt uvodu abjektu. Afarmleńnie dakumentaŭ patrabuje peŭnaha času — da dvuch miesiacaŭ.
Nieaficyjna va ŭpraŭleńni kažuć, što prybiralnia budavałasia va aŭralnym režymie, tamu zastalisia nievialikija niedapracoŭki. Budaŭniki ich likvidujuć.
Ciapier čytajuć
Prateže łukašenkaŭskaha favaryta Baskava buduje akademiju ŭ Brazilii i Ńju-Vasiuki suśvietnaha maštabu3
Kamientary