15 hadoŭ kałonii. Stała viadoma pra prysud palitviaźniu-siłaviku Alaksandru Kudreviču

Alaksandra Kudreviča asudzili na 15 hadoŭ pazbaŭleńnia voli, daviedaŭsia Dissidentby. Sudovy praces prachodziŭ u zakrytym režymie.

Alaksandr Kudrevič

30 śniežnia 2024 hoda sudździa Minskaha haradskoha suda Luboŭ Simachina pryznała Alaksandra Kudreviča vinavatym pa dvuch artykułach Kryminalnaha kodeksa:

• art. 356 č. 2 — «dziaržaŭnaja zdrada, ździejśnienaja słužbovaj asobaj, jakaja zajmaje adkaznuju pasadu, abo asobaj sa statusam vajskoŭca»;
• art. 361-1 č. 3 — «stvareńnie ekstremisckaha farmiravańnia abo ŭdzieł u im».

Jość źviestki, što mužčyna pracavaŭ u Departamiencie kryminalnaj raźviedki. Hety orhan padaŭ hramadzianski pazoŭ ab spahnańni materyjalnaj škody. Takuju nazvu Departamient kryminalnaj raźviedki MUS staŭ nasić tolki ŭ krasaviku 2024 hoda — da hetaha jon nazyvaŭsia Departamientam zabieśpiačeńnia apieratyŭna-vyšukovaj dziejnaści.

11 sakavika 2025 hoda apielacyja pakinuła prysud bieź źmienaŭ. Ciapier Alaksandr adbyvaje pakarańnie ŭ kałonii №3 (Vićba).

19 śniežnia 2024 hoda pravaabaroncy pryznali Alaksandra Kudreviča palitviaźniem.

Kamientary da artykuła