«Ja straciła sens žyćcia». Śpiavačcy Rycie Dakota zabaranili vystupać u Rasii

Pra zabaronu na vystupleńni ŭ Rasii napisała ŭ instahramie sama śpiavačka. Jaje paviedamleńnie vytrymana ŭ rospačnym styli, a Rasija nazyvajecca «rodnaj krainaj», u jakoj «nazaŭsiody zastałasia maja duša».

Ryta Dakota

«Mnie bolš nielha vystupać u Rasii. Ja nie mahu hrać kancerty tam, dzie nazaŭsiody zastałasia maja duša. 

Zdajecca, heta kaniec majoj karjery jak muzyki ŭ rodnaj krainie, i ŭ mianie da hetaj pary niama mužnaści heta stojka pryniać. Heta raźbiła mnie serca…» — piša śpiavačka.

«Ja straciła samaje hałoŭnaje, što było ŭ maim žyćci jak u tvorcy: svaju misiju, metu, sens žyćcia, mahčymaść słužyć ludziam, być pobač ź imi, praciahvać svaje dabračynnyja prajekty, abdymać i złučać ludziej svajoj muzykaj. I ja nie viedaju, jak mnie pieražyć heta, nie źvichnuŭšysia z bolu», — havoryć jana, adznačajučy, što śpiavała svaju «dobruju lekavuju muzyku», pakul «mahła zastavacca svabodnym, sumlennym i niezaležnym artystam».

Pryčynu zabarony na vystupleńni śpiavačka nie nazyvaje. Ale viadoma, što ŭ 2020-m jana padtrymała biełaruskich pratestoŭcaŭ, nie pramaŭčała i ŭ lutym 2022-ha: «Usio, što adbyvajecca siońnia — jo****ie dno, nivodny razumny čałaviek na śviecie nie padtrymaje vajny. U vajnie niama pieramožcaŭ, u vajnie prajhrajuć usie. My braty, nie davajcie palityčnym hulniam źmianić heta». Hety post u jaje ciapier vydaleny.

Kamientary da artykuła