Śpiavačka Ryta Dakota vypuskaje kalekcyju darahich kupalnikaŭ z «seksi-praporcyjami»
Biełaruskaja śpiavačka Ryta Dakota prezientavała kupalnik ułasnaha dyzajnu, jaki karektuje fihuru.
Ryta Dakota raspaviała ŭ instahramie, što vypuskaje kalekcyju kupalnikaŭ sumiesna z brendam RoDaSoleil. Hety brend śpiecyjalizujecca na adzieńni dla kupańnia ź inavacyjnaj tkaniny, jakaja, jak rekłamujecca, zamianiaje soncaachoŭny krem z SPF 35. Vytvorca śćviardžaje, što razumnyja kupalniki prapuskajuć prykładna 70% ultrafijaletavych pramianioŭ i zabiaśpiečvajuć dastatkovuju abaronu ad soniečnych apiokaŭ.
Śpiavačka kaža, što sama prydumvała niekalki dyzajnaŭ, jakija vizualna karektujuć fihuru i stvarajuć «seksi-praporcyi». A praviarała artystka ŭsio na siabroŭkach z roznymi typami fihur.
— Praściej kažučy, heta kupalniki «z ubudavanaj upeŭnienaściu ŭ sabie», stvoranyja dziaŭčynkaj, u jakoj usio žyćcio byli kompleksy na plažy i tamu jana jak nichto raźbirajecca ŭ formach kupalnikaŭ dla inšych dziaŭčynak, jakija taksama chočuć być pryhažuniami na plažy.
Prademanstravała śpiavačka pakul tolki pieršuju madel i paprasiła padpisčyc dapamahčy prydumać dla jaje nazvu. Brend RoDaSoleil šyje svaje madeli ŭ Litvie, a kaštujuć ich kupalniki niatanna — u siarednim kala 200 jeŭra.
Kamientary