Košt zołata abnaviŭ čarhovy histaryčny maksimum. Jak daražeła zołata ŭ historyi?
Košt fjučarsa na zołata z pastaŭkaj u śniežni 2025 hoda na biržy Comex, padraździaleńni Ńju-Jorkskaj tavarnaj biržy, abnaviŭ histaryčny maksimum i ŭźniaŭsia vyšej za adznaku $3550 za trojskuju ŭncyju.
Pavodle danych na 05:48, cana na kaštoŭny mietał vyrasła na 0,97%, da $3550,20 za trojskuju ŭncyju.
Da 06:02 košt zołata znoŭ paskoryŭ rost i skłaŭ $3552,4 za trojskuju ŭncyju (plus 1,03%).
U 1792 hodzie ŭ ZŠA było ŭstanoŭlena, što 1 uncyja zołata budzie kaštavać 19,3 dalara. Trojskaja — ad horada Trua ŭ Francyi, jaki byŭ viadomy ŭ siaredniavieččy jak jeŭrapiejski horad handlu. Trojskaja ŭncyja (31,1 hrama) — heta mižnarodny standart.
U 1834 hodzie za uncyju ŭžo davali 20,67 dalara, hety košt na zołata trymaŭsia 100 hadoŭ, da kanfiskacyi zołata ŭradam ZŠA ŭ 1933 hodzie ŭ nasielnitva padčas Vialikaj depresii. Košt adnoj uncyi byŭ ustanoŭleny ŭ 35 dalaraŭ, a sam dalar pryviazvaŭsia da zołata..
U 1971 hodzie prezident Ryčard Niksan admianiŭ pryviazku dalara da zołata, choć aficyjna hety krok byŭ paćvierdžany tolki ŭ 1976 hodzie;
Da kanca 1974 hoda košty na zołata padskočyli da 195 dalaraŭ za uncyju, a da 1978 hoda — da 200. Da pačatku 1980 hoda košt zołata dasiahnuŭ rekordnaj adznaki — $850 za uncyju (zvyš 2000 dalaraŭ u koštach 2008 hoda), paśla čaho jon pačaŭ pastupova źnižacca i ŭ kancy 1987 hoda składaŭ kala 500 dalaraŭ za uncyju.
Z 2004 hoda z-za devalvacyi dalara ZŠA košt zołata ŭvajšoŭ u fazu rezkaha rostu. Da kanca 2006 hoda košt uncyi zołata dasiahnuŭ $620, a da kanca 2007 hoda — užo kala $800. U pačatku 2008 hoda cana zołata pierasiahnuła rubiež u $1000 za ŭncyju.
Z-za bojazi inviestaraŭ pierad defołtam ZŠA cana zołata 18 lipienia 2011 hoda ŭstanaviła novy suśvietny rekord — 1600 dalaraŭ za ŭncyju.
Paśla vieraśnia 2011 hoda rost koštaŭ na zołata spyniŭsia i nadyšoŭ praciahły spad, što ciahnuŭsia da 2015 hoda, a potym znoŭ pačaŭsia ŭpeŭnieny rost.
Tak, naprykład, kali b u 2008 hodzie ŭ Biełarusi vy kupili 1 hram zołata ŭ banku za $22, siońnia jaho možna pradać za $95. Za 18 hadoŭ kapitał uzros by bolš čym u čatyry razy.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary