Pa «spravie Hajuna» aryštavali zasnavalnika art-vioski na Homielščynie
Viadomy hamialčuk, 46‑hadovy Kirył Kraŭcoŭ staŭ adnym ź fihurantaŭ «spravy Hajuna» i ŭtrymlivajecca pad vartaj u SIZA pa abvinavačvańni ŭ sadziejničańni ekstremisckaj dziejnaści (art. 361‑4 Kryminalnaha kodeksa), daviedaŭsia «Fłahštok».
Kirył Kraŭcoŭ. Fota: Facebook
Jak stała viadoma «Fłahštoku», zatrymali mužčynu ŭ červieni 2025 hoda. Doma ŭ jaho zastalisia žonka i niepaŭnaletnija dzieci.
Kirył viadomy jak zasnavalnik art-vioski «Čyrvony Kastryčnik» u Rečyckim rajonie. Tut jon žyŭ, zajmaŭsia ramieśnictvam, arhanizavaŭ svaju hančarnuju vytvorčaść, ładziŭ fiestyvali, tvorčyja sustrečy. Razam ź siabrami-entuzijastami Kirył vykupiŭ niekalki damoŭ u vioscy Čyrvony Kastryčnik i vyratavaŭ jaje ad źniknieńnia, arhanizavaŭšy tut eka-pasielišča.
Raniej pra Kiryła Kraŭcova šmat pisali ŭ dziaržSMI jak pra ŭdzielnika akcyi «Z taburetkaj da akijana», padčas jakoj biełarus abjechaŭ pałovu śvietu, padarožničajučy aŭtastopam.
Uvohule jon nieadnojčy stanaviŭsia hierojem publikacyj dziaržaŭnaj presy: ź im siabravali ciapierašnija prapahandysty, pryjazdžali da jaho ŭ hości, udzielničali ŭ mierapryjemstvach, jakija jon arhanizoŭvaŭ.
Čytajcie taksama:
«Kibierpartyzany» raskazali, jak vyličvajuć ludziej pa «spravie Hajuna»
Mieniedžara banka z Navapołacka asudzili — imavierna, za Hajun
Pa «spravie Hajuna» asudzili šmatdzietnuju maci z Mazyrskaha rajona