Fłahštok: Pa spravie «Biełaruskaha Hajuna» ŭ adnoj Homielskaj vobłaści zatrymali bolš za 250 čałaviek
Pravaabaroncy na minułym tydni zajaŭlali, što viadoma minimum pra 40 zatrymanych pa spravie «Hajuna».
Pavodle danych «Fłahštoka», bolš jak 250 žycharoŭ Homielskaj vobłaści byli zatrymanyja z pačatku 2025 hoda ŭ miežach spravy «Biełaruskaha Hajuna».
Heta adbyłosia paśla taho, jak siłaviki atrymali bazu karystalnikaŭ, jakija dasyłali hetaj manitorynhavaj supołcy paviedamleńni pra pieramiaščeńni rasijskich vojsk pa terytoryi Biełarusi padčas napadu na Ukrainu.
Aficyjnaj infarmacyi ab kolkaści zatrymanych niama, ale prykładnuju ličbu vyznačyli ŭ «Fłahštoku», źviarnuŭšysia da siabroŭ i blizkich fihurantaŭ.
Niekatoryja daviedalisia vypadkova, što pa kryminalnym artykule ab «sadziejničańni ekstremisckaj dziejnaści» zatrymana bolš za 250 čałaviek z Homielskaj vobłaści, jakija adpraŭlali paviedamleńni «Hajunu».
Akramia taho, u śpisach na zatrymańnie mohuć znachodzicca ŭvohule bolš za tysiaču čałaviek. Siłaviki pravodziać zatrymańni pa čarzie.
«Biaruć vialikimi partyjami — aformili, pajechali za novymi», — patłumačyŭ adzin surazmoŭca.
Pravaabaroncy na siońnia zajavili, što viadoma pra minimum 53 zatrymanych pa spravie «Hajuna».
Ciapier čytajuć
Bližejšym časam buduć vyzvaleny bolš za 150 palitźniavolenych36
Kamientary