U zmahańni z karupcyjaj siłaviki stracili «asobnyja stanoŭčyja tendencyi»

Ministr unutranych spraŭ Ivan Kubrakoŭ zajaviŭ na kalehii MUS 26 vieraśnia, što «asobnyja stanoŭčyja tendencyi» ŭ vyjaŭleńni karupcyjnych złačynstvaŭ u hetym hodzie byli «abjektyŭna stračanyja». Jon raskrytykavaŭ šerah terytaryjalnych padraździaleńniaŭ adździeła pa baraćbie z ekanamičnymi złačynstvami.

Ivan Kubrakoŭ padčas kalehii. Fota: MUS

Kubrakoŭ adznačyŭ, što ciapier asnoŭnaja ŭvaha pieraklučanaja z drobnych «bytavych» chabaraŭ na baraćbu ź sistemnaj «dziełavoj» karupcyjaj. Dla hetaha aktyŭniej vykarystoŭvajucca apieratyŭna-vyšukovyja mietady.

Namieśnik ministra Hienadź Kazakievič paviedamiŭ, što z pačatku 2025 hoda spyniena 22 schiemy takoj karupcyi, dzie fihuravali 114 čałaviek, u tym liku 92 atrymalniki chabaru. Siem schiem tyčylisia kiraŭnikoŭ sielskahaspadarčych pradpryjemstvaŭ.

Pavodle jaho słoŭ, akcent ciapier robicca na bujnych chabarach: kali ŭ 2022 hodzie ich ahulnaja suma ledź pieravyšała 2 miljony rubloŭ, to ŭ 2023 hodzie jana skłała kala 6 miljonaŭ, a tolki za vosiem miesiacaŭ 2025‑ha ŭžo nabliziłasia da 5 miljonaŭ.

Zhodna z danymi Viarchoŭnaha suda, za studzień—červień 2025 hoda za karupcyjnyja złačynstvy asudzili 304 čałavieki — na 7,3% mienš, čym za taki ž pieryjad u 2024 hodzie (328). Ź ich 84 atrymali realnyja terminy pazbaŭleńnia voli.

Kamientary da artykuła