Džej Dzi Vens: Rasijanam treba pračnucca i źmirycca z realnaściu. Rašeńnie pra «Tamahaŭki» prymie Tramp

Vice-prezident ZŠA Džej Dzi Vens zajaviŭ, što Rasija apošnija tydni admaŭlałasia siadać za stoł pieramovaŭ z Ukrainaj.

Džej Dzi Vens. Fota: Kevin Dietsch/Getty Images

«Šmat ludziej hinie, a vynikaŭ nul. Kolki jašče ludziej jany hatovyja stracić? Kolki jašče zabjuć dziela minimalnych, kali ŭvohule jany jość, pośpiechaŭ na ziamli?

Spadziajusia, nie tak šmat, ale naša pazicyja takaja: my praciahniem pracavać dziela miru i spadziavacca, što rasiejcy ŭśviadomiać realnaść na miescy. Ale dla tanha patrebnyja dvoje, — zajaviŭ vice-prezident ZŠA ŭ intervju Fox News. — A rasiejcy apošnija tydni admaŭlalisia siadać za stoł pieramovaŭ z ukraincami ci ŭ trochbakovym farmacie».

Vens taksama dadaŭ, što vašynhtonskaja administracyja abmiarkoŭvaje mahčymaść pastavak kryłatych rakiet «Tomahawk» inšym krainam NATO dla ich dalejšaj pieradačy Kijevu. Kančatkovaje rašeńnie prymie Donald Tramp. 

Niadaŭna Vens kazaŭ, što pieramovy pamiž Rasijaj i Ukrainaj nablizilisia da vyrašalnaj stadyi i ciapier zasiarodžanyja na dvuch asnoŭnych pytańniach — terytaryjalnych patrabavańniach Maskvy i harantyjach biaśpieki dla Kijeva.

Na 30 vieraśnia šef Pientahona Pit Chehset źbiraje amierykanski hienieralitet na zakrytuju naradu na bazie marskoj piachoty ŭ Virdžynii, ZŠA. Takich naradaŭ raniej nie byvała. Aficyjnaj jaje temaj stanie «adnaŭleńnie bajavoha duchu armii».

Čytajcie taksama: Jak skazaŭ aŭstralijski hienierał-major Mik Rajan, kali b ZŠA ŭ 2003‑m praz 3,5 hoda zachapili b usiaho 20% Iraka, straciŭšy pry hetym miljon čałaviek, naŭrad ci b chto-niebudź paličyŭ heta pieramohaj. Juval Noj Charary pra toje, čamu Ukraina pieramahaje

Kamientary da artykuła