Vens zajaviŭ pra hatoŭnaść Pucina da «vialikich kampramisaŭ» pa Ukrainie
Značnyja kampramisy z boku Rasii na šlachu da miru z Ukrainaj užo zroblenyja, zajaviŭ vice-prezident ZŠA Džej Dzi Vens u intervju telekanału NBC. Jon adznačyŭ, što choć vidavočnych prykmiet chutkaha zaviaršeńnia kanfliktu pakul niama, prahres u pieramovach usio ž bačny.
Džej Dzi Vens skazaŭ, što prezident Rasii Uładzimir Pucin pajšoŭ na šerah sastupak, u tym liku pahadziŭsia na nadańnie Kijevu harantyj biaśpieki. Pa jaho słovach, heta pieršy raz za try z pałovaj hady kanfliktu, kali Rasija prapanavała značnyja kampramisy.
Raniej ministr zamiežnych spraŭ Rasii Siarhiej Łaŭroŭ adznačaŭ, što harantami biaśpieki Ukrainy pavinna stać hrupa krain, uklučajučy členaŭ Rady Biaśpieki AAN. Ukraina pry hetym pavinna zastavacca biaźjadziernaj, niejtralnaj i nie ŭvachodzić u vajskovyja błoki.
Prezident ZŠA Donald Tramp raniej adznačaŭ mahčymaść uviadzieńnia novych sankcyj suprać Rasii, kali za dva tydni nie budzie dasiahnuty prahrec u miratvorčym urehulavańni. Vens udakładniŭ, što sankcyi buduć razhladacca indyvidualna, bo jany nie abaviazkova prymusiać Rasieju da spynieńnia ahniu. U jakaści prykładu cisku dla dasiahnieńnia miru jon pryvioŭ 25%-ja dadatkovyja pošliny na tavary ź Indyi, abvieščanyja Trampam u pačatku žniŭnia.
Tramp tak i nie ŭvioŭ sankcyi suprać Rasii i Pucina. Ci varta vieryć jaho novym pahrozam?
Paśla kanfliktu ź Zialenskim Vens zvaniŭ Załužnamu. Toj nie ŭziaŭ trubku
Vens prapanavaŭ zrabić z Ukrainy krainu-«dzikabraza»
«Uitkaf nie viedaje, pra što kaža». Śpiecpasłańnik Trampa niapravilna zrazumieŭ Pucina — Kreml usio jašče choča atrymać čatyry ŭkrainskija vobłaści
Ciapier čytajuć
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara36
Kamientary
))) Trapna uzhadali )))
Ad Viensa ź jaho biahrafijej čakać ińšaha ni davodzicca Navat stryječny brat paćvierdził