Ministr zamiežnych spraŭ Rasii Siarhiej Łaŭroŭ zajaviŭ, što NATA i Jeŭrasajuz faktyčna znachodziacca ŭ stanie vajny z Rasijaj praz Ukrainu. Heta jon skazaŭ padčas 80‑j siesii Hienasamblei AAN 25 vieraśnia. Pavodle jaho słoŭ, «kalektyŭny Zachad spravakavaŭ kryzis va Ukrainie i ciapier viadzie praź jaje sapraŭdnuju vajnu suprać Rasii».
«Nahladny prykład — spravakavany kalektyŭnym Zachadam kryzis va Ukrainie, rukami jakoha NATA i Jeŭrasajuz chočuć abviaścić, abviaścili ŭžo majoj krainie sapraŭdnuju vajnu i niepasredna ŭ joj udzielničajuć», — začytaŭ Łaŭroŭ tekst z papierki padčas narady ministraŭ zamiežnych spraŭ «Vialikaj dvaccatki».
Łaŭroŭ śćviardžaje, što Zachad admoviŭsia ad pryncypaŭ Statuta AAN dziela svaich «nieakałanijalnych ambicyj», što viadzie da rostu niestabilnaści i novych kanfliktaŭ. U jakaści prykładu jon pryvioŭ eskałacyju na Blizkim Uschodzie, abvinavaciŭšy Izrail u praviadzieńni ahresiŭnaj palityki i ŭ stvareńni «biesprecedentnaj humanitarnaj katastrofy» ŭ siektary Haza.
Raniej pres-sakratar Kramla Dźmitryj Piaskoŭ taksama zajaŭlaŭ, što krainy NATA «de-fakta vajujuć z Rasijaj», akazvajučy Ukrainie vajskovuju i finansavuju padtrymku. Jon padkreśliŭ, što Maskva nibyta hatovaja da mirnych pieramoŭ, ale Jeŭropa pieraškadžaje ich pačatku.
Ciapier čytajuć
Aryštavali byłoha pamočnika Michaiła Miaśnikoviča10
Aryštavali byłoha pamočnika Michaiła Miaśnikoviča
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary