Andrej Stryžak prydumaŭ viasioły, ale karysny čelendž
Andrej Stryžak, jaki ŭčora pakinuŭ fond «Bajsoł», padziakavaŭ u sacsietkach słovam padtrymki na jahony adras.
«Udziačny kožnamu i kožnaj chto pryjšoŭ z dobrymi słovami, vas šmat i ja rady što vy ŭ mianie jość!» — padziakavaŭ jon i prapanavaŭ čelendž.
«Zaŭtra pačynajecca Sober October («ćviarozy kastryčnik») — miesiac biez buchła. To, prapanuju vam fłešmob — dałučycca da čelendžu i miesiac nie buchać, ja stvaraju hrupu ŭzajemapadtrymki ŭ hetaj niaprostaj spravie.
Umovy prostyja: danat ad 20 jeŭra na lubuju dabračynnuju inicyjatyvu budzie kvitkom u admysłovuju hrupu ŭ TH.
Kali niechta sarviecca i pabuchaje — nie biada. Danat ad 10 jeŭra na lubuju dabračynnuju inicyjatyvu za kožny dzień pjanki, budzie koštam indulhiencyi. Pišycie mnie ŭ asabistyja i dałučajciesia — budzie viesieła», — napisaŭ jon.