Hetaj nočču ŭ Biełarusi nazirali palarnaje źziańnie FOTY

U noč z 30 vieraśnia na 1 kastryčnika nad Biełaruśsiu možna było nazirać niačastuju ŭ nas źjavu — palarnaje źziańnie. Pryčynaj stała mahutnaja hieamahnitnaja bura, jakaja ŭźnikła paśla čarhovaha vykidu karanalnaj masy na Soncy.

Paŭnočnaje źziańnie pad Zasłaŭjem. Fota: t.me/meteovibe

Pavodle danych Łabaratoryi soniečnaj astranomii Instytuta kaśmičnych daśledavańniaŭ Rasijskaj akademii navuk, indeks hieamahnitnaj aktyŭnaści dasiahnuŭ značeńnia 7,33, što adpaviadaje mocnaj mahnitnaj bury katehoryi G3+ pa mižnarodnaj škale. Heta najmacniejšaja bura za apošnija try miesiacy.

Jaje intensiŭnaść akazałasia nastolki vysokaj, što palarnaje źziańnie było vidać navat u bujnych haradach siarednich šyrot, u tym liku ŭ biełaruskich nasielenych punktach. Žychary centralnych i ŭschodnich rehijonaŭ krainy, dzie nieba było adnosna čystym, zmahli na svaje vočy pabačyć niezvyčajnaje kaśmičnaje vidovišča.

Fotazdymkami padzialilisia čytačy telehram-kanała «Mietieovajb».

Palarnaje źziańnie pad Navapołackam. Fota: t.me/meteovibe

Palarnaje źziańnie pad Navapołackam. Fota: t.me/meteovibe

Kamientary da artykuła