Čempijanat śvietu pa futbole 2034 hoda mohuć pravieści ŭ 2035-m

Čempijanat śvietu pa futbole 2034 hoda, jaki maje adbycca ŭ Saudaŭskaj Aravii, chutčej za ŭsio praviaduć u pačatku 2035 hoda. Adnak dakładnyja daty jašče nie vyznačyli.

Jak i ŭ vypadku z turniram 2022 hoda ŭ Katary, pryčyna pieranosu — śpiakotnaje nadvorje ŭ rehijonie, jakoje robić niemahčymym praviadzieńnie spabornictvaŭ uletku. U Katary čempijanat taksama pieranieśli na listapad—śniežań, kab stvaryć kamfortnyja ŭmovy dla hulcoŭ.

Adnak u 2034 hodzie na hety čas prypadaje śviaty dla musulman miesiac Ramadan, tamu arhanizatary razhladajuć varyjant praviadzieńnia turniru ŭ studzieni—lutym 2035 hoda.

Prezident FIFA Džani Infancina adznačyŭ, što suśvietny futboł nie moža abmiažoŭvacca tolki letnim kalendarom paŭnočnaha paŭšarja. Jon dadaŭ, što arhanizacyja abmiarkoŭvaje novyja terminy z nacyjanalnymi lihami i kłubami.

Pavodle jaho słoŭ, kab futboł byŭ sapraŭdy hłabalnaj hulnioj, nieabchodna ŭličvać roznyja klimatyčnyja ŭmovy: «U śniežni nielha hulać u adnoj častcy śvietu, a ŭ lipieni — u druhoj, tamu treba šukać bałans».

Kamientary da artykuła