Futbalistki «Minska» nie atrymali vizy ŭ Niderłandy na matč Kubka Jeŭropy
Futbalistki «Minska» nie zmahli atrymać vizy ŭ Niderłandy, dzie pavinien byŭ prajści matč z PSV u ramkach kvalifikacyi Kubka Jeŭropy. UEFA pieraniesła hulniu ŭ Ałbaniju
«Minsk» nie atrymaŭ viz dla ŭjezdu ŭ Niderłandy. UEFA pryniaŭ rašeńnie, što matč budzie praviedzieny ŭ adzin etap na niejtralnym poli, piša Betnews.by.
Sustreča pamiž PSV i «Minskam», jakaja pieršapačatkova była zapłanavanaja na siońnia, 8 kastryčnika, nie adbudziecca.
Supraćstajańnie projdzie ŭ adzin matč i adbudziecca 16 kastryčnika ŭ Ałbanii. PSV farmalna budzie mieć status haspadara. Čas pačatku hulni budzie abvieščany paźniej, — havorycca ŭ zajavie PSV.
Raniej płanavałasia, što abiedźvie hulni pamiž «Minskam» i PSV adbuducca ŭ Ejndchovienie 8 i 15 kastryčnika.
Paśla poŭnamaštabnaha napadu Rasii na Ukrainu na biełaruski futboł, u adroźnieńnie ad rasijskaha, byli nakładzienyja minimalnyja sankcyi. Chatnija matčy biełaruskija kłuby i zbornyja pavinny pravodzić na niejtralnym poli ŭ adsutnaść hledačoŭ. U mužčynskim futbole takimi stadyjonami dla biełarusaŭ čaściej źjaŭlajucca pali ŭ Vienhryi.
Tak, zaŭtra, 9 kastryčnika, mužčynskaja zbornaja Biełarusi zhulaje tam sa zbornaj Danii matč adboračnaha turniru da čempijanatu śvietu.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary