Siłaviki praviaduć rejdy pa vakzałach i ciahnikach
Pres-słužba Biełaruskaj čyhunki paviedamiła, što z 20 pa 31 kastryčnika 2025 hoda na abjektach čyhunačnaha transpartu budzie pravodzicca ŭzmocnieny kantrol biaśpieki. Mierapryjemstva arhanizujuć sumiesna ź milicyjaj napiaredadni vosieńskich kanikuł u škołach, jakija pačnucca 2 listapada i praciahnucca da 9 listapada.
Fota ilustracyjnaje
Metaj akcyi zajaŭlajecca papiaredžańnie niaščasnych vypadkaŭ z udziełam niepaŭnaletnich na čyhuncy. U hetyja dni milicyja praviadzie prafiłaktyčnyja rejdy na vakzałach, stancyjach i ŭ ciahnikach. Asablivuju ŭvahu siłaviki buduć źviartać na dziaciej i padletkaŭ, jakija znachodziacca biez nahladu darosłych pablizu čyhunki. Ź imi buduć pravodzicca tłumačalnyja hutarki, razdavacca pamiatki i buklety z praviłami biaśpiečnych pavodzin.
Akramia hetaha, milicyjaniery naviedajuć škoły i pradpryjemstvy, raźmieščanyja kala čyhunačnych puciej, kab nahadać pra niebiaśpieku i praviły ich pierasiačeńnia.
Pavodle aficyjnych danych BČ, z pačatku 2025 hoda ŭžo adbyłosia 8 niaščasnych vypadkaŭ ź dziećmi, piać ź jakich skončylisia śmierciu. Najčaściej trahiedyi adbyvajucca praz navušniki, kali padletki nie čujuć padychodziačy ciahnik, sprobu zrabić sełfi ŭ niebiaśpiečnych miescach abo pierabiahańnie puciej u zabaronienych zonach.
Čytajcie taksama:
Adzin ź ciahnikoŭ z Rasii ŭ Biełaruś zatrymaŭsia ŭ darozie
Biełčyhunka pryznačyła 37 dadatkovych ciahnikoŭ na vosieńskija kanikuły
Pamiž Viciebskam i Smalenskam znoŭ pačnie chadzić pramy dyzielny ciahnik