Pamiž Viciebskam i Smalenskam znoŭ pačnie chadzić pramy dyzielny ciahnik
U 2026 hodzie płanujecca zapuścić pramoje dyzielnaje spałučeńnie pamiž Smalenskam i Viciebskam, jakoje nie dziejničała ŭžo bolš za dziesiać hadoŭ.
Jak paviedamlaje Centralnaja pryharadnaja pasažyrskaja kampanija (CPPK, uvachodzić u skład Rasijskich čyhunak), niadaŭna byŭ praviedzieny testavy rejs dyziel-ciahnika RA-3 pa hetym maršrucie. U prajekcie ŭdzielničajuć ułady Smalenskaj vobłaści, Ministerstva transpartu rehijona, Rasijskija čyhunki i Biełaruskaja čyhunka.
Rehularnyja rejsy płanujuć adkryć u 2026 hodzie.
Apošni raz pramyja pryharadnyja ciahniki pamiž Viciebskam i Smalenskam chadzili da 2013 hoda — tady ich absłuhoŭvała Maskoŭskaja čyhunka. Paśla ich admianili, a maršruty ź pierasadkami spynili padčas pandemii COVID-19. U 2024 hodzie źjavilisia časovyja rejsy ź pierasadkaj: sa Smalenska da Zavolšy i Asinaŭki, adkul možna było pierajści na biełaruskija ciahniki da Viciebska ci Oršy.
Novyja dyziel-ciahniki RA-3, jakija buduć pracavać na linii, — heta sučasnyja dvuchvahonnyja sastavy vytvorčaści zavoda «Mietrovahonmaš» u Myciščach. U ich jość klimatyčnaja sistema, śviatłodyjodnaje aśviatleńnie, infarmacyjnyja tabło, a taksama ŭsie ŭmovy dla ludziej z abmiežavanaj ruchomaściu — padjomniki, macavańni dla invalidnych vazkoŭ i śpiecyjalna abstalavanyja prybiralni.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka7
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2929
Kamientary