Jak na zapraŭkach kinulisia vykonvać zahad Łukašenki FOTY
Na biełaruskich aŭtazapraŭkach sprabujuć pieravychavać kiroŭcaŭ, jakija pryjechali nie tolki pa paliva, ale i pa kavu.
Adzin z karystalnikaŭ Treds vykłaŭ fotazdymak z zapraŭki «Biełarusnafty». Tam apieratyŭna paviesili napamin: «Paśla zaviaršeńnia zapraŭki prosim vas vyzvalić paliŭnuju kałonku, pieramiaściŭšy aŭtamabil na śpiecyjalnuju parkoŭku. Heta dazvolić vam bieź śpieški ździejśnić pakupki».
Tut i dalej fota z Treds
Druhi sfatahrafavaŭ anałahičnuju abjavu — taksama na kałoncy «Biełarusnafty»: «Pavažanyja klijenty! Da naviedvańnia kafe i pakupak u kramie vyzvalicie kałonku dla inšych kiroŭcaŭ».
Šoŭmien Dzianis Kurjan sfatahrafavaŭ takuju samuju abviestku na kavamašynie na zapraŭcy.
Jašče adna žančyna prademanstravała, što razam z čekam atrymała papierku: «Paśla zapraŭki vyzvalicie kałonku dla inšych aŭtamabilaŭ. Zapraŭlajciesia biez čarhi praz dadatak Biełarusnafta».
Darečy, raniej «Biełarusnafta» ŭ svaich sacsietkach vielmi aktyŭna ramantyzavała ideju taho, jak cudoŭna pić kavu na AZS. Voś, naprykład, typovy pasył adnaho z rolikaŭ: «Ludzi, jakija pjuć kavu na zapraŭkach, ščaśliviejšyja za tych, chto siadzić u darahich restaranach».
Ciapier ža ŭ sacsietkach kampanii źjavilisia zusim inšyja roliki — u ich nahadvajuć pra praviły etykietu na AZS.
Čytajcie taksama:
Za kavu aštrafujuć? Jak prachodziać rejdy na zapraŭkach
U «Biełarusnafcie» raskazali, jak vyrašajuć prablemu čerhaŭ na AZS