Dniami Łukašenka daručyŭ ministru ŭnutranych spraŭ Ivanu Kubrakovu razabracca z tymi, chto pje kavu na AZS, i navieści tam «žalezny paradak» — kab tyja, chto pryjechaŭ zapravicca, nie čakali doŭha ŭ čerhach. Paśla hetaha byli stvorany rejdavyja hrupy siłavikoŭ, kab manitoryć zapraŭki. Što adbyvajecca padčas takich rejdaŭ?
«Z kiraŭnictvam aŭtazapravak pravodzicca prafiłaktyčnaja hutarka ab nieabchodnaści vykanańnia mier biaśpieki dla naviedvalnikaŭ, a taksama raźmiežavańnia dziejnaści pa realizacyi paliva i prodažy spadarožnych tavaraŭ i praduktaŭ charčavańnia», — raskazaŭ «Hrodzienskaj praŭdzie» načalnik upraŭleńnia DAI UUS Hrodzienskaha abłvykankama Hienadź Bialaŭski.
Štrafavać za kubak kavy nie buduć. Inśpiektary pravodziać prafiłaktyčnyja hutarki z takimi kiroŭcami.
Na adnoj z hrodzienski zapravak, kudy pryjechaŭ rejd, znajšoŭsia kiroŭca, jaki pakinuŭ mašynu la kałonki i adpraviŭsia pa kavu. Čerhi za im nie było, ale inśpiektary paśla praviali prafiłaktyčnuju hutarku. Vyśvietliłasia jašče, što ŭ mužčyny niama techahladu, choć pradpisańnie prajści jaho jon užo atrymlivaŭ.
Na bolšaści zapravak čerhaŭ praz kavu nie ŭźnikała.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j8
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Rabotniki zapravok, ich priemii, zavisiat ot vtiuchivanija klijentam vsieho, čto ležit na połkach zapravok, a nie tolko ot riealizacii topliva.