Maks Korž anansavaŭ vialiki kancert u niečakanym miescy
Papularny biełaruski śpiavak Maks Korž vystaviŭ abviestku, što 23 maja 2026 hoda maje adbycca jahony vialiki kancert u rumynskim Buchareście.
Kancert pavinien adbycca na Nacyjanalnym stadyjonie, standartnaja ŭmiaščalnaść jakoha — 54 tysiačy čałaviek. Kvitki pačnuć pradavać z aŭtorka, 2 śniežnia.
Vyklikaje peŭnaje ździŭleńnie, što dla vystupleńnia Maksa Karža abrany mienavita hety horad. Bucharest, jak i ŭ cełym Rumynija, nie ŭsprymajecca jak centr biełaruskaj ci choć by ŭkrainskaj abo rasijskaj dyjaspary. Ale, mahčyma, raźlik robicca na toje, što pasłuchać Karža pryjedzie šmat ludziej ź niedalokich i biaźvizavych ź Jeŭrasajuzam Małdovy i Ukrainy.
Nie vyklučana, što paśla skandalnaha sioletniaha kancerta Karža 9 žniŭnia ŭ Varšavie jamu ŭvohule ciapier nie vielmi prosta znajści placoŭku dla vystupleńnia i asablivaha vybaru niama. U žniŭni ŭ jaho, naprykład, užo sarvaŭsia zahadzia ŭzhodnieny kancert u kazachstanskim Ałmaty. Korž sam paćvierdziŭ, što pryčynaj hetaha byli kiepskija pavodziny jahonych fanataŭ u Varšavie.
Čytajcie taksama:
«Nie vajnie!» Jak Maks Korž razryvaŭ Varšavu i pra što kazaŭ na svaim kancercie? REPARTAŽ