Paźniak žorstka vykazaŭsia pra Karža: Antyestetyčnaje, antymastackaje šarłatanstva, raźličanaje na dehienieratyŭnaje ŭspryniaćcie
Kandydat mastactvaznaŭstva ličyć, što Karža, «jaki za hetaje hańbišča jašče i atrymaŭ hrošy, treba było b pryciahnuć da adkaznaści».
«9 žniŭnia adbyłasia dzikaja vakchanalija ruskich pavodzinaŭ pad vystup viadomaha siarod prychilnikaŭ psieŭda-mastactva Maksima Karža (zrusifikavanaha vystupoŭca biełaruskaha pachodžańnia), jakomu byŭ prapanavany ceły stadyjon, kudy źjechalisia z usioj Polščy i z susiednich krain tysiačy ekzaltavanych ludziej. Nijakaha dačynieńnia da mastactva i muzyki vakchanalija z masaj paŭhołych cieł nie maje. Tut antyestetyčnaje, antymastackaje šarłatanstva, raźličanaje na dehienieratyŭnaje ŭspryniaćcie. Sabranaja publika pavodziła siabie pa-chulihansku i pa-dzikunsku. Navošta toje dazvolili i chto takoje zrabiŭ (i ź jakoj metaj) — paŭstaje pytańnie. Ale toje, što adbyłosia, moža być daspadoby tolki Maskvie i Łukašenku», — piša Zianon Paźniak.
«Publika, jakaja tam sabrałasia, — vychadcy z byłoha Savieckaha Sajuza, i najpierš rusifikavanyja ŭkraincy, rasiejcy i abmaskoŭlenyja biełarusy. Usie kryki i hvałt byli pa-rusku.
Ale sprava nie tolki ŭ stadyjonie (polskija «kibicy» ŭ čas futboła pavodziać siabie nie lepš, ale jany ŭ svajoj krainie). Rusifikavanaja publika, jakaja z ruskim matam i ruskimi krykami vyvaliła na vulicy Varšavy, zahadziła śmiećciem usio naŭkoła, halokała brudnaj ruskaj łajankaj u tramvajach i ŭ dvarach horada.
Tut byli nie tyja pratestnyja biełarusy, jakija ŭ 2020-m hodzie zdymali abutak, stanoviačysia na łavačku i źbirali śmiećcie za saboj u admysłovyja miaški, kab nie zaśmiečvać navakolle. Tut było niavychavanaje zrasiejščynaje bieskulturje, jakoje ŭ ahulnaj ruska-ŭkrainskaj masie zhańbiła biełarusaŭ pierad palakami», — zaklučaje kiraŭnik KCHP-BNF.
Zianon Paźniak ličyć, što arhanizacyja hetaha skopišča na stadyjonie była zroblena nievypadkova, biełarusaŭ siarod aryštavanych byŭ mizier, a Maksa Karža treba było b pryciahnuć da adkaznaści.
«Možna nie sumniavacca, što pravakacyja spadara Karža budzie skarystana peŭnymi palitykami ŭ Polščy dziela stvareńnia bolš žorstkich umoŭ dla biełarusaŭ i ŭkraincaŭ. Źjaviacca recydyvy ksienafobii. Pacierpiać tyja kulturnyja ludzi, jakija nie majuć nijakaha dačynieńnia da hetaha zrusifikavanaha statku, što sabraŭsia na stadyjonie i halokaŭ na vulicach.
Jość elemientarnyja žyćciovyja rečy, jakija vymahaje kultura. Kožny palityčny emihrant musić być udziačny toj krainie, narodu i ŭładam toj krainy, jakaja dała jamu prytułak, pryniała jaho ŭ svaju supolnaść. Treba pavažać zakony, žyćcio i tradycyi hetaj krainy, šanavać zvyčai ludziej i dapamahać u dobrych spravach.
Bolš taho (tut ja heta kažu dla biełarusaŭ), Maskva pahražaje vajnoj Prybałtyjskim krainam i Polščy. Małavierahodna, što maskoŭcy pačnuć takuju vajnu. Ale kali b jano adbyłosia, budziem hatovyja, spadary biełarusy, vajavać sa zbrojaj za svabodu Polščy. I heta nie fraza, nie fantazija. Heta mahčymaja realnaść, da jakoj treba być hatovymi. Ci, moža, jašče chto-niebudź, navat u emihracyi, nie zrazumieŭ, što takoje Rasieja, to starajciesia chutčej zrazumieć», — padsumoŭvaje były lidar biełaruskaj apazicyi.
Šaściarych biełarusaŭ i 57 ukraincaŭ vysyłajuć z Polščy paśla incydentaŭ na kancercie Maksa Karža
Ukrainiec, jaki pryjšoŭ sa ściaham UPA na kancert Karža, zapisaŭ vybačalnaje videa
Na kancercie Karža varšaŭskaja palicyja zatrymała 109 čałaviek. I praviaraje łozunhi, jakija hučali na stadyjonie
«Nakolki naša burbałka z pahardaj stavicca da zvyčajnych biełarusaŭ». U fejsbuku spračajucca pra Maksa Karža
«Cimbierłejk, schadzi pakury!» Chto ź viadomych biełarusaŭ pryjšoŭ na kancert Karža
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?14
Kamientary
Uzrovień jaho muzyki sapraŭdy niejki pacanska-hopnicki, prymityŭnyja teksty typu "zapichnu dzieŭku ŭ aŭta i paviezu da pacanoŭ", usio na rasiejskaj, na šoŭ stada ździčiełych amataraŭ hetaha nieahopstop, jaki sapraŭdy pavodzili siabie jak chulihany i dehienieraty. Za što i zatrymańni, štrafy i departacyi.
"ruskich pavodzinaŭ pad vystup viadomaha siarod prychilnikaŭ psieŭda-mastactva Maksima Karža (zrusifikavanaha vystupoŭca biełaruskaha pachodžańnia" - 100%.
I zahadździa, tak, takoje maje prava niekamu padabacca i taksama inšyja majuć prava heta krytykavać.
Pacany i dzieffki, padziakujcie Karžu! Tym bolš, što častka bieła/ruskich aktyvistaŭ (Chomic, Kraŭcoŭ) u Varšavie tam była dy zachaplajecca (Radniankoŭ) hetym bieła/ruskim muzykaj. Babarykancy dasiahnuli svaje mety.