Pastaŭki zbroi Ukrainie padtrymlivajuć 64% amierykancaŭ, a za ŭdzieł u NATA — 68%

Donald Tramp pieramoh na prezidenckich vybarach 2024 hoda ŭ ZŠA, abiacajučy skončyć vajnu va Ukrainie za adzin dzień, pryčym navat da ŭstupleńnia na pasadu. Prajšło bolš za hod, za jaki Tramp i jahonaja administracyja paśpieli spynić pastaŭki zbroi Ukrainie (zamianiŭšy ich prodažami) i raspracavać mirnaje pahadnieńnie na asnovie pryncypaŭ, sfarmulavanych Kramlom. Za hety ž čas kolkaść amierykancaŭ, jakija padtrymlivajuć pastaŭki zbroi Ukrainie, vyrasła da 64%, pakazała ahulnanacyjanalnaje apytańnie pa pytańniach abarony, praviedzienaje Prezidenckim fondam i Instytutam Ronalda Rejhana, piša The Moscow Times.

Zdymak ilustracyjny. Fota: Getty Image

Hety pakazčyk padtrymki ŭzros z 55% u 2023 hodzie i 57% u listapadzie 2024 hoda. Kolkaść tych, chto suprać, skaraciłasia da 26%.

Bolšaść amierykancaŭ taksama padtrymlivaje aktyŭnuju rolu ZŠA ŭ śviecie: 64% ličać, što Vašynhtonu treba bolš udzielničać u mižnarodnych spravach i być lidaram, suprać 33% tych, jakija vystupajuć za skaračeńnie ŭdziełu krainy.

Padtrymka NATA siarod amierykancaŭ taksama dasiahnuła rekordu — 68%. Pry hetym stanoŭča arhanizacyjnuju dziejnaść aceńvajuć usie palityčnyja hrupy: demakraty — 80%, respublikancy i niezaležnyja — pa 60%. U toj ža čas niadaŭna apublikavanaja novaja nacyjanalnaja stratehija biaśpieki ZŠA praduhledžvaje admovu ad pašyreńnia NATA i skaračeńnie ŭdziełu ŭ jaho dziejnaści.

Bolšaść amierykancaŭ aceńvajuć Rasiju jak voraha: 79% ličać jaje voraham, tolki 17% — sajuźnikam. Navat siarod MAGA-respublikancaŭ suadnosiny składajuć 74% suprać 21%. Na praciahu vajny ŭ Ukrainie hetyja pakazčyki źmianilisia niaznačna: kolkaść tych, chto za voraha, skaraciłasia z 82% u listapadzie 2022 hoda da 80% hodam paźniej, a tych, chto za sajuźnika, było 14% u 2024 hodzie.

Kamientary da artykuła