Pieršaja častka «Vaładara piarścionkaŭ» vyjdzie ŭ prakat z dublažom na biełaruskaj movie
Sietka kinaprastor Mooon i Silver Screen abviaściła pra premjeru pašyranaj režysiorskaj viersii filma «Vaładar piarścionkaŭ: Bractva piarścionka» ź biełaruskim dublažom. Pakazy stanuć pieršym vypadkam prakatu stužki na biełaruskaj movie ŭ kinateatrach krainy, piša «Anłajnier».
Kadr ź filma «Vaładar piarścionkaŭ»
Jak paviedamili arhanizatary, hledačam pradstaviać režysiorskuju viersiju filma z dadatkovymi scenami. U kampanii adznačajuć, što prajekt prymierkavany da nadychodziačaha 25‑hodździa vychadu pieršaj častki kultavaj kinatryłohii Pitera Džeksana — jaje suśvietnaja premjera adbyłasia ŭ Novaj Ziełandyi 10 śniežnia 2001 hoda.
Film buduć pakazvać pad łakalizavanaj nazvaj «Vaładar piarścionkaŭ: Bractva piarścionka», i jon stanie častkaj prahramy śpiecyjalnych pakazaŭ. Pavodle infarmacyi sietki, havorka idzie mienavita pra poŭny dublaž, a nie pra pakazy z subcitrami ci zakadravaj ahučkaj.
Pakazy startujuć z 12 lutaha.
Čytajcie taksama:
Dakumientalny film pra Miełaniju Tramp akazaŭsia kasavym pravałam
U Iranie aryštavali scenarysta filma «Prostaja vypadkovaść», naminavanaha na «Oskar»