Vice-prezidenta ZŠA i amierykanskuju delehacyju aśvistali padčas adkryćcia Alimpijady ŭ Miłanie
Padčas prachodu amierykanskich spartoŭcaŭ stadyjon «San-Sira» zapoŭniŭsia šumam pahardy «bu!» i niaŭchvalnym śvistam. Jon dasiahnuŭ piku, kali na vialikim ekranie źjaviŭsia vice-prezident ZŠA.
Fota: Alexander Hassenstein/Getty Images
Niehatyŭna sustrakali taksama kamandu Izraila. U toj ža čas 65 tysiač hledačoŭ, što zapaŭniali trybuny, zachoplena vitali delehacyi Kanady, Mieksiki i jeŭrapiejskich krain.
Italija razam z Polščaj tradycyjna była krainaj Jeŭropy z najlepšym staŭleńniem da ZŠA. Adnak apošnija apytańni hramadskaj dumki vyjavili, što i ŭ Italii da amierykancaŭ niehatyŭna staviacca 60% nasielnictva. Heta stałasia paśla pierachodu ZŠA na dvuchsensoŭnuju pazicyju ab Ukrainie, paddobryvańnie da Pucina, chaatyčnaj źmieny taryfaŭ dla sajuźnikaŭ i, asabliva, pretenzij na Hrenłandyju.
Džej Dzi Vens ličycca adnym z architektaraŭ novaha kursu Amieryki.
Čytajcie taksama:
U Italii adkryli zimovyja Alimpijskija hulni FOTY