Forma zbornaj Haici vyklikała sapraŭdny furor na Zimovych Alimpijskich hulniach. Ale jaje ledź nie zabaranili
Choć Haici na Zimovych Alimpijskich hulniach 2026 hoda ŭ Miłanie i Karcina d'Ampieca buduć pradstaŭlać usiaho dva spartsmieny, ich ciažka budzie nie zaŭvažyć na cyrymonii adkryćcia — internet užo čakaje ich źjaŭleńnia. Ale taki ažyjataž moh i nie zdarycca: pieršuju viersiju formy nie zaćvierdziŭ Mižnarodny alimpijski kamitet, piša Telegraf.news.
Kali dumać pra Haici, to zimovy sport, łyžy i śnieh — heta apošniaje, što prychodzić u hałavu. Ale hetyja stereatypy nie pieraškodzili krainie z Karybskaha rehijonu adpravić svaich pradstaŭnikoŭ na Zimovyja Alimpijskija hulni. Heta tolki druhija zimovyja hulni dla Haici, a pradstaŭlajuć jaje łyžniki Ryčardsan Vijano i Styviensan Savar. I choć zbornaja nievialikaja, jaje abaviazkova zapomniać — kali nie dasiahnieńniami, to stylovym vyhladam.
Niadaŭna ŭ sietcy pakazali aficyjnuju formu haicianskaj zbornaj, i fatahrafii imhnienna raźlacielisia pa sacsietkach. Mnohija padumali, što heta praca štučnaha intelektu: nu nie moža aficyjnaja forma vyhladać jak pakaz mod! Ale heta sapraŭdnaja forma spartsmienaŭ Haici, pry tym — adzinaja na Hulniach-2026, pafarbavanaja ŭručnuju.
Dyzajn zrabiła Steła Žan — italjanskaja dyzajnierka z haicianskimi karaniami pa maciarynskaj linii. Jana ŭžo stvarała formu dla spartsmienaŭ svajoj radzimy, u tym liku dla Letnich Alimpijskich hulniaŭ 2024 hoda ŭ Paryžy. Tady jaje dyzajn taksama adroźnivaŭsia ad zvykłych spartovych kaściumaŭ i bolš nahadvaŭ modny podyum.
Adnak hety zimovy ažyjataž moh i nie adbycca. Pieršuju viersiju formy zabaraniŭ MAK z-za parušeńnia praviłaŭ alimpijskaha niejtralitetu — nielha vykarystoŭvać palityčnyja, relihijnyja ci rasavyja simvały.
Pieršapačatkova na formie była vyjava haicianskaha revalucyjaniera Fransua Tusiena-Łuvierciura, jaki ŭ 1804 hodzie dapamoh miascovym rabam vyzvalicca i dasiahnuć niezaležnaści Haici ad Francyi. MOK paličyŭ taki palityčny sens nieprymalnym. Ale i ŭ źmienienaj viersii jość namioki — na karcinu miascovaha mastaka Eduarda Dziuvala-Kary, dzie Łuvierciur pakazany na čyrvonym kani. Samoha vieršnika prybrali, a kania, jaki «idzie da pieramohi», pakinuli.
«Haicianskaja kamanda ŭžo pieramahła», — časta pišuć u sacsietkach.
Sami haicianie taksama ličać, što ŭdzieł u Zimovaj Alimpijadzie — užo dasiahnieńnie.
«Pryniaćcie ŭdziełu Haici ŭ Zimovych Alimpijskich hulniach — heta simvał, heta zajava, a nie vypadkovaść, — skazaŭ pasoł Haici ŭ Italii Handzi Tomas. — Mahčyma, my nie zimovaja kraina, ale my nacyja, jakaja nie abmiažoŭvajecca čužymi čakańniami. Adsutnaść — heta samaja niebiaśpiečnaja forma zabyćcia».
Dzie biełarusam hladzieć Alimpijadu, bo nie ŭsio tak dobra
Džej Dzi Vens prylacieŭ na Alimpijadu ŭ Miłan z fłotam z 14 samalotaŭ i kartežam z 100 aŭtamabilaŭ
Siońnia pačynajucca Zimovyja Alimpijskija hulni
Raskład spabornictvaŭ biełaruskich spartoŭcaŭ na Alimpijadzie-2026
Italjanskaja bijatłanistka pierad samym startam zimovaj Alimpijady pravaliła dopinh-test
Kamientary