U Maskvie padarvali troch palicejskich

Apoŭnačy 24 lutaha na płoščy Saviołaŭskaha vakzała ŭ Maskvie kala palicejskaha aŭtamabila detanavała vybuchovaje prystasavańnie. 

Na miescy zdareńnia. Skrynšot ź videa

«Siońnia kala 00:05 da supracoŭnikaŭ Dziaržaŭtainśpiekcyi UUS Paŭnočna-Uschodniaj akruhi stalicy, jakija znachodzilisia ŭ słužbovym aŭtamabili na maršrucie patrulavańnia na płoščy Saviołaŭskaha vakzała, padyšoŭ nieviadomy, paśla čaho adbyłasia detanacyja nieviadomaj pryłady», — paviedamiła pres-słužba rasijskaha MUS.

Paviedamlajecca, što ŭ vyniku vybuchu na miescy zahinuŭ adzin supracoŭnik DPS, druhi byŭ paranieny. Paśla źjavilisia paviedamleńni, što jon taksama pamior u balnicy, ale paśla jany nie paćvierdzilisia.

Zatoje nieŭzabavie aficyjna było abjaŭlena, što paranienych palicejskich dvoje. U adnaho z paranienych udar hałaŭnoha mozha, a ŭ druhoha — apiok tvaru i kantuzija.

Pavodle papiaredniaj viersii, spracavała samarobnaja vybuchovaja pryłada. Palicyja šukała koratka stryžanaha mužčynu ŭ čornaj vopratcy. Pavodle danych ad roznych krynic, jon zdymaŭ momant vybuchu na kamieru, paśla čaho ŭciok.

Nieŭzabavie, adnak, aficyjnyja rasijskija orhany zajavili, što padryŭnik, jaki zładziŭ vybuch na płoščy Saviołaŭskaha vakzała, zahinuŭ na miescy. 

Kamientary da artykuła