Zatrymali padazravanuju ŭ ździajśnieńni terarystyčnaha akta ŭ Lvovie
Kolkaść paranienych vyrasła da 25 čałaviek. Šeść pravaachoŭnikaŭ — u ciažkim stanie.
Prezident Ukrainy Uładzimir Zialenski paviedamiŭ pra zatrymańnie asoby, jakaja padazrajecca ŭ ździajśnieńni terarystyčnaha akta ŭ Lvovie.
«Dvaccać piać čałaviek paranieny, adna asoba zahinuła. Maje spačuvańni rodnym… Śledstvu pradastaŭleny ŭsie nieabchodnyja resursy. Praciahvajucca nieabchodnyja pracesualnyja dziejańni z zatrymanaj asobaj. Ministerstva ŭnutranych spraŭ budzie infarmavać pra ŭsie nieabchodnyja detali», — zajaviŭ prezident Ukrainy.
Na ciapierašni momant u miedustanovach znachodziacca 11 asob. Šeść pravaachoŭnikaŭ — u ciažkim stanie.
«Palicejskija štodnia i štonoč vyjazdžajuć na vykliki, nie viedajučy, što ich čakaje. Ale śpiašajucca na dapamohu, bo abarona ludziej dla ich — hałoŭnaja zadača. Udziačny ŭsioj kamandzie pravaachoŭnikaŭ, jakaja pracuje nad raskryćciom i rasśledavańniem hetaha złačynstva. Vinavatyja pavinny stać pierad sudom i atrymać spraviadlivaje pakarańnie za ździejśnienaje», — zajaviŭ ministr unutranych spraŭ Ukrainy Klimienka.
Jon taksama pakazaŭ fota zatrymanaj žančyny.
Hety terakt vyhladaje jak pastka dla palicejskich.
Kala 00:30 u rajonie vulicy Špitalnaj prahrymieli mahutnyja vybuchi, kali palicyja pryjechała na łžyvy vyklik ab niezakonnym praniknieńni ŭ kramu.
Kali na miesca terakta pryjechaŭ druhi ekipaž patrulnaj palicyi, adbyŭsia jašče adzin vybuch.
Zahinuła dziaŭčyna-palicejski, joj było 23 hady, paviedamlaje palicyja. Viktoryja Špilka pryjechała ŭ Lvoŭ z Chiersona. Letaś jana vyjšła zamuž za palicejskaha.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary