«Samalot lacieŭ vielmi nizka, a potym byŭ mocny vybuch»
Vidavočcy raskazali pra apošnija siekundy Su-25 pad Navahrudkam.
Lotčyk 1-ha kłasa padpałkoŭnik Mikałaj Hrydnieŭ. Fota forummod.bn.by
Hrydnieŭ vučyŭsia latać u Tamboŭskaj avijacyjnaj vučelni. Fota tvvaul-92-97.narod.ru
Žychary Karelič raskazali «NN» pra toje, jak stali vidavočcami katastrofy vajskovaha samalota Su-25 u Navahrudskim rajonie. Jany viartalisia z Hrodna z kamandziroŭki. Źviarnuli ŭvahu na vajskovy samalot, jaki, jak im padałosia, lacieŭ zanadta nizka.
«Jon lacieŭ vielmi nizka. Nad samaj ziamloj, a potym źnik. I tady mocna hrymnuła. Huk byŭ mocny, choć da miesca padzieńnia ad darohi było davoli daloka».Potym im nasustrač adna za adnoj pajechali mašyny milicyi i MNS.
U Piatrevickim sielsaviecie karespandentu «NN» raskazali, što ŭ vioscy Naviny, u 2 kiłamietrach ad jakoj upaŭ samalot, na siońnia žyvie kala 100 čałaviek. «Pa mierkach sielsavieta heta siaredniaja vioska. Tam niama škoły, kłub začynili. Jość tolki ambułatoryja na 5 łožkaŭ».
Nahadajem, što avijakatastrofie 12 červienia zahinuŭ lotčyk 1-ha kłasa padpałkoŭnik Hrydnieŭ Mikałaj Hienadzievič 1975 h.n., vypusknik Tamboŭskaj vyšejšaj vajskovaj avijacyjnaj vučelni (1997). U jaho zastałasia žonka i dvoje dziaciej.
Heta vośmaja katastrofa ŭ historyi vajskovaj avijacyi niezaležnaj Biełarusi.
Hladzi jašče Ekśpiert: Avijakatastrofy pačaścilisia z-za stareńnia lotnaha parka