Prezident Ekvadora zacikaviŭsia losam biełaruskaha ŭciekača

Rafael Karea zajaviŭ, što jaho słova ŭ spravie ekstradycyi ŭ Minsk Alaksandra Barankova budzie apošnim.

Prezident Ekvadora Rafael Karea zajaviŭ, što jon moža admović u ekstradycyi byłoha biełaruskaha milicyjanta Alaksandra Barankova, jaki atrymaŭ status uciekača ŭ hetaj krainie, i čyjoj vydačy damahajecca Minsk.

Ekvadorski prezident Rafael Karea zajaviŭ na pres-kanferencyi, što jahonaje słova ŭ spravie ekstradycyi ŭ Minsk biełaruskaha hramadzianina Alaksandra Barankova budzie apošnim. «My admaŭlajem luby napad na pravy čałavieka albo pieraśled pavodle palityčnych matyvaŭ», — cytuje zajavu Karea ahienctva AFP.

Namieśnik ministra zamiežnych spraŭ Ekvadora Marka Albuja zaznačyŭ, što jaho kraina nie vydaje hramadzian, čyjo žyćcio znachodzicca ŭ niebiaśpiecy, kamu pahražaje śmiarotnaje pakarańnie albo pažyćciovaje źniavoleńnie.

Advakat Barankova Fiernanda Łara zajaviŭ AFP,

što režym Łukašenki choča prymusić Barankova zamaŭčać, paśla taho, jak jon vyjaviŭ niezakonnuju

dziejnaść vyšejšych słužbovych asob Biełarusi.

Razhlad spravy Barankova supaŭ z kryzisam u adnosinach Ekvadora i Vialikabrytanii z-za rašeńnia aficyjnaha Kita nadać prytułak stvaralniku WikiLeaks Džulijanu Asanžu.

Kamientary da artykuła