Na fizfaku BDU 10—21 kastryčnika ładziłasia pieršynstvo ŭniversytetu siarod studentaŭ i aśpirantaŭ. Vystupili kala 25 čałaviek. Čamu «kala»? Studenty — narod niaprosty: niekatoryja, ubačyŭšy, što ničoha nia śviecić, syšli. Tak, kandydat u majstry Šabanaŭ pasiarod spabornictva źjechaŭ va Ŭkrainu, dzie harantavalisia bolšyja pryzy za pieramohu.
Ale ŭsio roŭna baraćba vyjšła napružanaja. Turnir vyjaviŭ, što impetnych hulcoŭ u BDU chapaje. Try pieršyja miescy zachapili pradstaŭniki fakultetu prykładnoj matematyki i infarmatyki — kandydaty ŭ majstry Pavał Makievič, Alaksandar Chajminaŭ, Illa Rakicin. Pryzeram čempijanatu byli razdadzieny natatniki, medali i hramaty, razdrukavanyja na kalarovym pryntery. Akramia taho, jany atrymali prava na… charčovyja talony i propusk u basejn.
Čempijanat siarod studentaŭ — nie adzinaje šachmatnaje spabornictva ŭ BDU. Asobna ładziacca kamandnyja mižfakulteckija spartakijady siarod supracoŭnikaŭ, dzie vystupaje, naprykład, supracoŭnik fizyčnaha fakultetu Aleh Ramanaŭ, čyj rejtynh zaškalvaje za 2430. U pavietry nosicca ideja abjadnaŭčaha čempijanatu, kab u adnych časavych ramkach sustrelisia navučency i pedahohi, adnak pakul jana — sa sfery fantastyki. I nasamreč, jak ža dapuścić, kab student pierajhraŭ vykładčyka?
Krychu pra pieramožcaŭ. Pavał Makievič z Horadni — niehavarki aśpirant. Paralelna bolš jak dva hady ciahnie sajt «Šachmaty ŭ Biełarusi» (bychess. narod.ru), kudy zajšło bolš jak 24 tys. naviednikaŭ, — pavodle słoŭ aŭtara, «šachmatny tvar krainy». Alaksandar Chajminaŭ — student-pieršakurśnik z Žodzina. Vystupaŭ u pieršaj lizie, sioleta jeździŭ na čempijanat Eŭropy siarod junakoŭ da 18 hadoŭ. Hulaje ambitna, uparta, stabilna. U Čarnahoryi ŭziaŭ tolki 4 bały z 9, adnak svoj rejtynh padniaŭ.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja115
Kamientary