Cana pytańnia — miljard dalaraŭ.
Čarhovy raŭnd pieramovaŭ z Rasijaj pa naftavym bałansie na 2013 hod na ŭradavym uzroŭni, jaki Minsk raźličvaŭ pravieści ŭ kancy minułaha abo ŭ pačatku hetaha tydnia, nie adbyŭsia. Biełaruskija pieramoŭščyki čakajuć, što dyjałoh z Rasijaj praciahniecca na najvyšejšym dziaržaŭnym uzroŭni, paviedamiła blizkamu da biełaruskich uładaŭ ahienctvu
Honar «razrulvańnia situacyi» vypadaje Łukašenku i Pucinu asabista.
Biełaruś choča atrymać ad Rasii ŭ nastupnym hodzie 23 miljona ton nafty. Heta na 1,5 młn ton bolš, čym było sioleta, u2012-m .
Rasija ž nastojvaje na ličbie 18 młn ton, pryčym choča atrymać častku naftapraduktaŭ nazad na svoj rynak.
Cana pytańnia — kala miljarda dalaraŭ. Pry biełaruskim varyjancie ahulnaja suma rasijskich naftahazavych subsidyj Biełarusi składzie kala 8 młrd dalaraŭ, pry rasijskim — kala 7 młrd.Rasija finansuje biełaruski režym uzamien za palityčny i ekanamičny kantrol nad Biełaruśsiu, adnak raźmiarkoŭvaje hetuju dapamohu tak, kab Minsk zaŭždy zastavaŭsia ŭ nievialikim deficycie, jaki b nie pahražaŭ stabilnaści režymu, ale davaŭ Rasii mahčymaść vykuplać biełaruskija aktyvy. Samym kaštoŭnym nabytkam staŭ «Biełtranshaz». Rasijskija kampanii vykazvali taksama cikavaść da «Biełaruskalija».
Štohadovaja pryvatyzacyja aktyvaŭ stała adnoj z umovaj atrymańnia Biełaruśsiu antykryzisnaha kredytu JeŭrAzES u 2011 hodzie.
Biełaruskaja ekanamičnaja madel zasnavanaja na pierapracoŭcy rasijskich enerhanośbitaŭ i eksparcie praduktaŭ pierapracoŭki ŭ krainy Jeŭrasajuza.
Pucin z Łukašenkam majuć sustrecca na samitach SND u Ašhabacie 5 śniežny i ADKB / JeŭrAzES / Mytnaha sajuza ŭ Maskvie 19 śniežnia. Jak miarkujecca, da hetaha času Pucin vyjdzie na svajo z prablem z chrybtom.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»34
Kamientary