Pavodle ŭdakładnienych źviestak, u navahodniuju noč u Minsku padčas śviatočnych hulańniaŭ kala Pałaca sportu byli zatrymanyja prykładna 25 turkmienaŭ, uźbiekaŭ i biełarusaŭ.Takija źviestki pryvioŭ na
Raniej paviedamlałasia ab zatrymańni milicyjaj 21 hramadzianina Turkmienistana i Uźbiekistana.
Pavodle słoŭ Kubrakova, u adroźnieńnie ad miascovych žycharoŭ, jakija śviatkujuć Novy hod doma, a ŭžo potym vychodziać na vulicy, turkmieny byli kala jołki kala Pałaca sportu ŭžo prykładna ŭ 24 hadziny.
A ŭ 1.30 1 studzienia tut była «vialikaja kolkaść inšaziemcaŭ», adznačyŭ pradstaŭnik MUS. «U hety čas žychary Turkmienistana va ŭzroście ad 19 da 27 hadoŭ (u asnoŭnym studenty biełaruskich VNU) pačali pavodzić siabie nieadekvatna.Byli ŭ stanie ałkaholnaha apjanieńnia, padali na kaleni, sprabavali zabracca na scenu i naładzić tam tancy, pieraškadžali praviadzieńniu śviatočnaha mierapryjemstva, šturchali adzin adnaho, niecenzurna łajalisia, u tym liku ŭ adras milicyi», — raskazaŭ Kubrakoŭ. Pavodle jaho słoŭ, «orhanami ŭnutranych spraŭ byli pryniatyja ŭsie prafiłaktyčnyja miery, kab paźbiehnuć kanfliktnaj situacyi, ale inšaziemcy abo nie reahavali na zaŭvahi supracoŭnikaŭ milicyi, abo reahavali na ich vielmi ahresiŭna».
Tamu, kab paźbiehnuć raźvićcia kanfliktu pamiž inšaziemcami i inšymi śviatkujučymi, byli zatrymanyja 25 najbolš aktyŭnych udzielnikaŭ incydentu — hramadzian Turkmienistana, Uźbiekistana i Biełarusi.
Častka ź ich zatym była adpuščanaja, astatnija byli pryciahnutyja da administracyjnaj adkaznaści ŭ vyhladzie štrafaŭ i aryštaŭ. U rajadździeł milicyi, kudy byli dastaŭleny zatrymanyja, pryjazdžaŭ daradčyk pasolstva Turkmienistana, sa studentami pracujuć dypłamaty, jakija adkazvajuć za ich vučobu ŭ Biełarusi. Pytańnie ab adličeńni turkmienskich studentaŭ nie staić, adznačyŭ Kubrakoŭ.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy20
Kamientary