Hetym razam za deficyt cementu.
Alaksandar Łukašenka siońnia na naradzie pa pytańniach raźvićcia cementnaj pramysłovaści krytykavaŭ urad za ŭźnikšuju ŭ Biełarusi sytuacyju z deficytam cementu.
Prezident zapatrabavaŭ pavialičyć vypusk cemientu ŭ krainie ŭ try razy. Alaksandr Łukašenka padkreśliŭ, što zrabić nieabchodnyja kroki treba ŭžo ŭ bližejšy čas. Siońnia, pavodle słoŭ prezidenta, nieabchodna pašyrać vytvorčaść, madernizavać staryja pradpryjemstvy, a taksama na asnovie analizu ajčynnaha i pieradavoha zamiežnaha vopytu kančatkova vyznačyć pryjarytetnyja napramki techničnaha pieraasnaščeńnia cemientnaj pramysłovaści.
Kiraŭnik dziaržavy adznačyŭ, što pry budaŭnictvie novych pradpryjemstvaŭ nieabchodna aryjentavać ich rabotu na toj syravinie, jakaja jość u Biełarusi. «Navošta my budziem tut budavać toje, dla čaho zaŭtra daviadziecca zakuplać syravinu? Nam nie patrebny takija vytvorčaści, ad jakich my znoŭ trapim u zaležnaść», — skazaŭ prezident. Alaksandr Łukašenka taksama dadaŭ, što na praciahu dvuch‑troch hadoŭ treba vyvieści rabotu zavodaŭ na ŭzrovień suśvietnych standartaŭ.
Kamientary