Delehacyja, jakuju ŭznačalvaje ministr finansaŭ Biełarusi Andrej Charkaviec, pačała 4 lutaha sieryju sustreč z patencyjalnymi pakupnikami novaha vypusku biełaruskich jeŭraablihacyj.Infarmacyju pra pačatak
«U skład delehacyi ŭvachodzić taksama ministr ekanomiki Mikałaj Snapkoŭ»,— paviedamili ŭ Minekanomiki. Prezientacyja novaha vypusku biełaruskich jeŭraablihacyj budzie prachodzić z 4 pa 7 lutaha, udakładnili ŭ Minfinie. Tam taksama adznačyli, što ŭ skład delehacyi, jakaja adpraviłasia ŭ Jeŭropu, uvachodzić pieršy namieśnik staršyni praŭleńnia Nacbanka Juryj Ałymaŭ.
Płanujecca, što na praciahu čatyroch dzion biełaruskaja delehacyja praviadzie sustrečy z patencyjalnymi pakupnikami daŭhavych papier, jakija projduć u Šviejcaryi, a taksama ŭ Hiermanii (Miunchienie) i Vialikabrytanii (Łondanie).
Nahadajem, što raniej Biełaruś užo raźmiaściła dva vypuski jeŭraablihacyj. Letam 2010 hoda kraina vychodziła na jeŭrapiejski rynak z debiutnym vypuskam ablihacyj na 600 młn. dołaraŭ i raźmiaściła ich sa staŭkaj kupona 8,75% hadavych. U žniŭni 2010 hoda adbyłosia daraźmiaščeńnie debiutnaha vypusku jeŭraablihacyj na sumu 400 młn. dołaraŭ.
Druhi vypusk biełaruskich jeŭrabondaŭ adbyŭsia ŭ studzieni 2011 hoda. Tady biełaruskamu boku ŭdałosia raźmiaścić siamihadovyja ablihacyi na 800 młn. dołaraŭ, kuponny dachod pa jakich skłaŭ 8,95% hadavych.
Treci vypusk jeŭraablihacyj biełaruskija ŭłady płanujuć nakiravać na refinansavańnie isnujučych źniešnich daŭhoŭ, pik płaciažoŭ pa jakich prypadaje na 2013–2014 hady. Kiraŭnik Minfina Biełarusi letaś zajaŭlaŭ, što z dapamohaj treciaha vypusku jeŭraablihacyj kraina płanuje pryciahnuć na źniešnim rynku 500–600 młn. dołaraŭ.
Jak paviedamlałasia raniej, Biełarusi nieabchodna vypłacić źniešnim kredytoram sioleta 3 młrd. dołaraŭ. Bolš za pałovu hetaj sumy prypadaje na pahašeńnie abaviazacielstvaŭ pierad Mižnarodnym valutnym fondam.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary