«Uzrovień entuzijazmu dla mianie maje značeńnie». Tramp zhadaŭ pra krainy, jakija nie chočuć dapamahać jamu ŭ Armuzskim pralivie
Prezident ZŠA Donald Tramp zajaviŭ, što niekatoryja krainy nie vykazvajuć entuzijazmu ŭ dapamozie pa razbłakavańni Armuzskaha praliva, i paŭtaryŭ zaklik akazać takuju padtrymku, piša Reuters.
Donald Tramp adznačyŭ, što siarod krain, jakija atrymlivali abaronu ZŠA na praciahu mnohich hadoŭ, jość takija, jakija nie prajavili asablivaha imknieńnia da ŭdziełu ŭ ciapierašniaj vajnie, pačataj ZŠA i Izrailem u Iranie.
«Niechta stavicca da hetaha ź vialikim entuzijazmam, a niechta — nie. Siarod ich jość krainy, jakim my dapamahali na praciahu mnohich-mnohich hadoŭ. My abaraniali ich ad žachlivych źniešnich pahroz, ale jany nie prajavili asablivaha entuzijazmu. A ŭzrovień entuzijazmu dla mianie maje značeńnie», — zajaviŭ Tramp padčas mierapryjemstva ŭ Biełym domie.
Raniej Tramp papiaredziŭ, što NATO čakaje «vielmi drennaja budučynia», kali sajuźniki nie dapamohuć adnavić prachod praz stratehična važny praliŭ, jaki byŭ faktyčna zabłakavany Iranam paśla amierykana-izrailskich udaraŭ.
Niekatoryja jeŭrapiejskija krainy, adnak, admovilisia ŭdzielničać u hetaj misii. Premjer-ministr Vialikabrytanii Kir Starmier zajaviŭ, što Łondan pracuje z partniorami nad ahulnym płanam dla razbłakavańnia ruchu sudnaŭ, ale nie ŭ miežach NATO. Ministr abarony Hiermanii Barys Pistoryus adchiliŭ patrabavańnie Trampa ab sumiesnaj achovie praliva, a Ispanija taksama admoviłasia ŭdzielničać u hetaj apieracyi.
U Jeŭrasajuzie razhladajuć mahčymaść źmieny mandata svajoj vajskova-marskoj misii na Blizkim Uschodzie
Vialikabrytanija i Hiermanija admovilisia adpraŭlać karabli ŭ Armuzski praliŭ
Tramp: Kali NATA admovicca dapamahać z Armuzskim pralivam, Aljans čakaje «vielmi drennaja budučynia»
Tramp: Apošni čałaviek, ad jakoha nam patrebna dapamoha, heta Zialenski
Tramp patłumačyŭ «naftavuju adlihu»: sankcyi suprać Rasii viernuć, jak tolki sucišycca Blizki Uschod
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary
Nakasiačyŭšy sam, ciapier sprabuje schavacca za papiarednikaŭ - "my dapamahali". Dapamahali, kali šturmavali Bieły dom?
2. Entuzijazmu nie brakuje jahonamu siabru Pucinu, jaki "dobry chłopiec, choča miru va Ukrainie". Pucinu jon sapraŭdy dapamahaje, voś tolki pravasłaŭny čekist Pucin z čekisckim entuzijazmam čamuści dapamahaje ajatołam i Korpusu vartavych isłamskaj revalucyi.
3. Vidavočna, što płan Pucina - Trampa praduhledžvaje ŭciahvańnie Jeŭropy ŭ izralska-arabskuju vajnu na Blizkim Uschodzie, kab Jeŭropa achviaravała Ukrainaj dziela rasijskaje nafty.