Palicyja znajšła skryvaŭlenuju krykietnuju bitu ŭ domie Oskara Pistoryusa, jaki abvinavačvajecca ŭ zabojstvie svajoj dziaŭčyny -- madeli Revy Steenkamp.
Krynica ŭ pravaachoŭnych orhanach zajaviła, što znojdzienaja «krykietnaja bita ź vialikaj kolkaściu kryvi», a ŭ achviary zafiksavana čerapna-mazhavaja traŭma.
Raniej prakuror u sudzie paŭdniovaafrykanskaj Pretoryi zapatrabavaŭ dla Pistoryusa abvinavačvańnia ŭ naŭmysnym zabojstvie, ale abvinavačvany pierakonvaje, što pierabłytaŭ dziaŭčynu z rabaŭnikom.
Palicyja nie pryznaje viersii Pistoryusa i adznačaje, što dziaŭčyna ŭ momant zabojstva była apranuta ŭ načnuju kašulu.
«Pa apošnich dadzienych, my padazrajem, što pieršy streł u ściahno adbyŭsia ŭ spalni, jana pabiehła i schavałasia ŭ vannaj. Zatym jon zrabiŭ jašče try streły praź dźviery», - paviedamiła krynica.
***
U čaćvier ranicaj stała viadoma, što ŭ domie šaścirazovaha paralimpijskaha čempijona biehuna Oskara Pistoryusa znojdziena zastrelenaj žančyna, jakaja akazałasia siabroŭkaj Pistoryusa i jakuju jon sam ža i zabiŭ, pryniaŭšy jaje za rabaŭnika.
Heta była viadomaja paŭdniovaafrykanskaja madel Reva Steenkamp, ź jakoj Pistoryus sustrakaŭsia z kanca minułaha hoda. Pieršapačatkova śćviardžałasia, što jana chacieła zładzić spartsmienu siurpryz na Dzień śviatoha Valancina i biez papiaredžańnia prabrałasia ŭ jaho dom.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary