Nacyjanalny statystyčny kamitet namalavaŭ partret sučasnaj žančyny Biełarusi: uzrost — 42 hady, nacyjanalnaść — biełaruska, rodnaja mova — biełaruskaja, hutarkovaja mova — ruskaja, miesca žycharstva — addaje pieravahu haradskoj miascovaści, adukacyja — vyšejšaja abo siaredniaja śpiecyjalnaja, zamužam, stanovicca maci ŭ 25 hadoŭ.Ab hetym paviedamiła
Na 1 studzienia 2013 hoda kolkaść žančyn u krainieskłała 5,1 młn. čałaviek, abo 54% ahulnaj kolkaści nasielnictva. U haradach i pasiołkach haradskoha typu pražyvajuć 76% žančyn, u sielskich nasielenych punktach — 24% žančyn.
U siarednim pa krainie na 1 tys. mužčyn prypadaje 1152 žančyny, u haradach i pasiołkach haradskoha typu — 1166 žančyn, u sielskich nasielenych punktach — 1109 žančyn.
Siarod haradskoha nasielnictva kolkaść mužčyn pieravyšaje kolkaść žančyn va ŭzroście da 29 hadoŭ, siarod sielskaha nasielnictva — da 57 hadoŭ.Najpierš heta źviazana z adjezdam maładych žančyn ź sielskaj miascovaści dla pradaŭžeńnia adukacyi i pracaŭładkavańnia, rastłumačyli ŭ Biełstacie. Druhaja pryčyna — bolš vysoki ŭzrovień śmiarotnaści mužčyn, asabliva ŭ pracazdolnym uzroście.
Najbolšaja hiendarnaja dyspraporcyja nazirajecca va ŭzrostavych hrupach pažyłoha ŭzrostu.Kolkaść žančyn va ŭzroście 60–69 hadoŭ na 1 tys. mužčyn składaje ŭ haradach i pasiołkach haradskoha typu 1475 čałaviek, u sielskich nasielenych punktach — 1359 čałaviek, a va ŭzroście 70 hadoŭ i starejšych kolkaść žančyn pieravyšaje kolkaść mužčyn u haradach i pasiołkach haradskoha typu ŭ 2,3 razu, u sielskich nasielenych punktach — u 2,5 razu.
U Biełarusi zachoŭvajecca značnaja roźnica ŭ praciahłaści žyćcia mužčyn i žančyn, jakaja na praciahu apošnich dvuch dziesiacihodździaŭ pieravyšaje bolš jak u dva razy «naturalnuju» i składaje 10–12 hadoŭ.Pavodle acenki PRAAN, «naturalnaj» roźnicaj u čakanaj praciahłaści žyćcia mužčyn i žančyn pryniata ličyć 5 hadoŭ.
Na pačatak 2012 hoda siaredni ŭzrost žančyn u Biełarusi skłaŭ 42 hady, u žycharak vioski — 47 hadoŭ, u haradžanak — 41 hod.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja113
Kamientary