Pravabaronca akazaŭsia pad pilnaj uvahaj biełaruskaj milicyi, raspaŭsiudziŭšy infarmacyju pra toje, što dva chłopcy abvinavacili Lidski RAUS u katavańniach.
Milicyjanty ź Lidy nakiravali zapyt u Kiraŭsk Mahiloŭskaj vobłaści, dzie aficyjna prapisany Andrej Bandarenka, z paviedamleńniem ab mahčymym zaviadzieńni kryminalnaj spravy nibyta za paklop na lidskich milicyjantaŭ.
Supracoŭniki Kiraŭskaha RAUS u svaju čarhu patelefanavali pravaabaroncu i zaprasili jaho na razmovu dla vyśviatleńnia abstavinaŭ. Pakolki aficyjnaj pozvy nie było, spadar Bandarenka admoviŭsia źjaŭlacca ŭ RAUS.
Kiraŭnik ustanovy «Płatformy», jakaja zajmajecca abaronaj pravoŭ viaźniaŭ, Andrej Bandarenka raspavioŭ sa słovaŭ dvuch lidskich chłopcaŭ, jak milicyjanty fizična i maralna ich katavali. Miž tym zatrymanym chłopcam ciapier pahražaje kryminalnaja abo administratyŭnaja adkaznaść za supraciŭ milicyi. Hetaja historyja atrymałasia šyroki rozhałas u ŚMI.Ź milicyjaj Lidy pravaabaroncu źviazvaje sprava bratoŭ Škurko.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary