Iryna Chalip viarnułasia ŭ Biełaruś paśla sustrečy sa svaim mužam,eks-kandydatam u prezidenty Andrejem Sańnikavym, jaki ŭvosień 2012 hoda źjechaŭ u Vialikabrytaniju, dzie atrymaŭ palityčny prytułak.
Iryna Chalip vylecieła spačatku ŭ Varšavu 6 sakavika, dzie jaje čakaŭ A. Sańnikaŭ.
«Hałoŭnaje było — pravieści choć niekalki dzion razam ź im. Voś my i praviali. Jašče ŭ Varšavie zmahła pabačyć siabroŭ. Tuju ž Natallu Radzinu, jakoj nie bačyła bolš za dva hady, z 22 śniežnia 2010 hoda, kali nas pa roznych kamierach raźviali. Ja ŭbačyła taksama Dzimu Bandarenku, Uładzimira Kobieca, Dzimu Barodku. Usich pabačyła, i heta było cudoŭna. Ale mała. Usio ž karotkaje było spatkańnie z mužam. Na terytoryi ES heta, viadoma ž, lepš, čym spatkańnie na terytoryi Navapołackaj kałonii. Ale ciažka było ŭśviedamlać, što ŭ nas tolki niekalki dzion i my pavinny budziem znoŭ na peŭny čas raźvitacca. Raźvitańnie było niaradasnym, ale spadziajusia, što my raźvitalisia nie na taki doŭhi čas».
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary