Malcaŭ: «Pasadki na darohi stanuć dla našych lotčykaŭ zvyčajnymi»
Na aŭtamahistrali Brest—Minsk 4 žniŭnia zrabili pasadku samaloty MIH-29 i SU-27, jakija bazirujucca na 61-j zniščalnaj avijacyjnaj bazie.
Čytačam rastłumaču, što na «alimpijcy», pamiž Ivacevičami i Baranavičami, jość aeradromny ŭčastak darohi. I źniešnie jon adroznivajecca ad astatniaj aŭtamahistrali tolki tym, što na im adsutničaje hazon, jaki raździalaje pałosy ruchu.
U nas užo byli pasadki na aŭtadarozie bolš lohkich samalotaŭ, a voś pasadka takich samalotaŭ, jak MIH-29 i SU-27 na aeradromny ŭčastak mahistrali ažyćciaŭlałasia ŭpieršyniu ŭ historyi.
Pra važnaść padziei śviedčyć i toj fakt, što na adpracoŭku pasadki samalotaŭ prybyŭ ministr abarony Ł. Malcaŭ.
A dla čaho patrebny takija pasadki? Pytańnie zakanamiernaje. Pa-pieršaje, učastki aŭtamahistralnych daroh mohuć vykarystoŭvacca ŭ jakasci zapasnych aeradromaŭ i aeradromaŭ razhrupavańnia avijacyi. Pa-druhoje, — heta padrychtoŭka lotnaha sastavu.
Ubačyŭšy pierakryty ad aŭtamabilnaha transpartu ŭčastak «alimpijki», padumałasia, što na jaho pasadzić samalot davoli lohka, ale kab heta zrabić, pavinny być zadziejničany roznyja vajskovyja časci i padraździalenni. Jany abaviazany padtrymlivać radyjosuviaź, radyjołakacyjny kantrol palotaŭ avijacyi, vydavać radyjołakacyjnuju infarmacyju na punkty bajavoha ŭpraŭleńnia avijacyjaj, a taksama vyrašać zadačy inžynierna-aeradromnaha, techničnaha i tyłavoha zabieśpiačeńnia. A heta nie tolki padrychtoŭka ŭźlotna-pasadačnaj pałasy, zapraŭka samalotaŭ, maskiroŭka techniki, avijacyjnaje prykryćcio rajona palotaŭ, ale i adpracoŭka ŭzajemadziejańnia z ekipažami, z vykanaŭčymi i rasparadčymi orhanami ŭłady....
Choć sama pasadka praciahvajecca kala chviliny ci jašče mienš.
Pasadki, jak zatym i ŭźloty samalotaŭ, prajšli na vydatna. MIH-29 piłatavali: pałkoŭnik Alfred Kraŭčonak — lotčyk-snajpier i padpałkoŭnik Juryj Asaŭcoŭ — lotčyk 1 kłasa, SU-27 — pałkoŭnik Juryj Varabjoŭ — lotčyk 1 kłasa i padpałkoŭnik Anatol Maroz — lotčyk 1 kłasa.
— Nieŭzabavie takija pasadki stanuć zvyčajnaj spravaj i kožny lotčyk zdolny budzie pasadzić samalot na aeradromny ŭčastak darohi, — zajaviŭ ministr abarony.
Na aeradromach pakryćcio bietonnaje, a na aŭtamahistrali — asfalt, i niachaj tut jon bolš mocnaha sastavu, tym nie mienš nie aeradrom. Ale paśla pasadki 20-tonnaha SU-27 pakryćcio darohi zastałosia bieź źmianieńniaŭ. Zładžana dziejničała milicyja i DAI, było poŭnaje parazumieńnie ź dziaržaŭnymi orhanami, a heta krok napierad, bo raniej zdaralisia roznyja nakładki i niestykoŭki.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było7
Kamientary