Źnik papularny tyktokier, jaki vioŭ błoh pa-biełarusku. Imavierna, šukać jaho treba ŭ vojsku
Bolš za paŭtara miesiaca błohier Arčyk nie publikuje videa ŭ svaim tyktoku.
Na akaŭnt tyktokiera ź nikam Arčyk padpisana bolš za 140 tysiač čałaviek, a jaho videa nabirajuć miljony prahladaŭ. Pry hetym kantent maładoha mužčyny maksimalna daloki ad idealnaj karcinki, jakuju modna stvarać u sacsietkach.
«Paśpiachovaha pośpiechu» vy ŭ jaho kanale dakładna nie pabačycie.
Bolšaść rolikaŭ biełarus zapisaŭ u zvyčajnaj viaskovaj chacie, dzie, zdajecca, čas spyniŭsia minimum paŭstahodździa tamu: dyvany na ścienach, hory-paduški z vyšyŭkaj dy mebla z SSSR.
A razmaŭlaje Arčyk to na trasiancy, to čysta pa-biełarusku — i bačna, što heta dla tyktokiera naturalna. Imavierna, va ŭsioj hetaj ščyraści i treba šukać sakret jaho pośpiechu.
Apošniaje videa ŭ tyktok-akaŭncie Arčyka apublikavana 8 lutaha. Pierad hetym mužčyna apublikavaŭ fota paviestki z paviedamleńniem ab tym, što jamu nieabchodna źjavicca ŭ vajskovy kamisaryjat Barysaŭskaha i Krupskaha rajonaŭ dla adboru na vajskovyja zbory.
Nahadajem: z 16 lutaha pačaŭsia čarhovy etap pravierki bojehatoŭnaści biełaruskaha vojska. U čaści adpraŭlali i vajskovaabaviazanych. Minabarony paviedamlała, što termin praciahłaści hetaha vidu zboraŭ moža składać da 60 sutak.
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
Termin praciahłaści hetych zboraŭ moža skłaści da 60 sutak, čas prybyćcia na zbory — da sutak
U Minabarony patłumačyli, čamu ludziej chapajuć na vajskovyja zbory raptoŭna
«Skazali «nam poch*j» i pavieźli». Biełarusaŭ vyklikajuć na vajskovyja zbory, u sacsietkach — abureńnie
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary
Nijakaja heta nie trasianka.